२९ माघ, काठमाडौं । नेकपा एमाले सांसद ईश्वरबहादुर रिजालले संसद् टकरावको थलो नभएको बताएका छन् ।
मंगलबारको प्रतिनिधि सभाको बैठकमा विशेष समयमा बोल्दै उनले संसद् संवादको थलो भएकाले टकराव निम्त्याउन नहुने बताए ।
संसद् विधिको थलो भएकाले भन्दै जिद्दीको थलो नभएको उनको भनाइ थियो ।
‘संसद संवादको थलो हो । टकरावको थलो होइन । संसद विधिको थलो हो जिद्दीको थलो होइन । संसद सज्जनको थलो हो अराजकको थलो होइन,’ सांसद रिजालले भने ।
जनताको जनप्रतिनिधिले जवाफदेही, जिम्मेवार बनाएर भएर काम गर्नुपर्ने बताउँदै उनले संसद् भनेको एउटा नियमनको थलो भएकाले तथानामको थलो नबनाउन प्रतिपक्ष दलहरुलाई आग्रह गरे ।
‘जनताको जनप्रतिनिधिले जुन एउटा उचाईमा जवाफदेही, जिम्मेवार बनाएर पठाएका छन्, त्यसलाई शिरोधार्य गर्नुपर्छ । त्यसको परिपालना गर्नुपर्छ । संसद् भनेको एउटा नियमनको थलो हो । तथानामको थलो होइन,’ उनले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.jpeg)
प्रतिक्रिया 4