आर्थिक अपराध हेर्न प्रहरीमा छुट्टै इकाइ स्थापना

एसएसपी होबिन्द्र बोगटी

News Summary

Generated by OK AI. Editorially reviewed.

नेपाल प्रहरीले आर्थिक अपराधको अनुसन्धान गर्न नयाँ इकाइ स्थापना गरेको छ।
यो इकाइ अहिले सीआईबीको मातहतमा रहेको छ, यसको नेतृत्व एसएसपी होबिन्द्र बोगटीले गरिरहेका छन्।
यो इकाइमा हाल १९ जना प्रहरी कार्यरत छन्, यसको संरचना र दरबन्दीबारे अन्तिम टुंगो लाग्न बाँकी छ।

३० वैशाख, काठमाडौं । आर्थिक अपराधको चाप बढेपछि यो विषयको अनुसन्धान गर्न भन्दै छुट्टै इकाइको स्थापना गरिएको छ ।

प्रहरी प्रधान कार्यालयले १७ वैशाखदेखि आर्थिकसम्बन्धी अपराधको अनुसन्धान गर्ने भन्दै आर्थिक तथा वित्तीय अपराध अनुसन्धान इकाइ गठन गरेको हो ।

नेपाल प्रहरीका केन्द्रीय प्रवक्ता तथा एसएसपी रमेश थापाले इकाइ गठन गरिएको बताउँदै अहिले एसएसपीले कमान्ड गर्ने बताए ।

उनका अनुसार अहिले एसएसपी होबिन्द्र बोगटीले यसको कमान्ड गरेका छन् । यो इकाइमा अहिले एसएसपीसहित १९ जना कार्यरत छन् । गृहमन्त्रालयबाट स्वीकृत भइसकेकाले छुट्टै इकाइ गठन गरेर काम सुरु गरिएको उनले बताए ।

यसको संरचना र दरबन्दीलगायतका बारेमा भने ओएमएन्ड हुन बाँकी नै छ । त्यसपछि मात्रै कसको नेतृत्वमा कतिजना प्रहरी रहने भन्ने यकिन टुंगो लाग्ने छ ।

अहिले यो इकाइलाई सीआईबीकै मातहत राखिएको छ । कार्यालय पनि सीआईबीकै भवन लाजिम्पाटमा रहेको प्रवक्ता थापाले बताए ।