प्रधानमन्त्री कप भलिबल प्रतियोगितामा शिवम् सिमेन्ट ‘स्ट्रेन्थ पार्टनर’

News Summary

Generated by OK AI. Editorially reviewed.

शिवम् सिमेन्टले प्रधानमन्त्री कप भलिबल प्रतियोगितामा ‘स्ट्रेन्थ पार्टनर’ को रूपमा सहकार्य गरेको छ।
यसले नेपाली खेलकुदको प्रवर्द्धन र विकासमा आफ्नो निरन्तर समर्थन व्यक्त गरेको हो।
प्रतियोगिता आगामी जेठ ८ देखि १५ सम्म पोखरा रङ्गशालामा आयोजना हुनेछ।

३० वैशाख, काठमाडौं । शिवम् सिमेन्टले प्रधानमन्त्री कप भलिबल प्रतियोगितामा ‘स्ट्रेन्थ पार्टनर’ का रूपमा सहकार्य गर्ने भएको छ ।

नेपालको राष्ट्रिय खेल भलिबलको लोकप्रियता तीव्र रूपमा बढ्दै गइरहेका बेला यसलाई अझ नयाँ उचाइमा पुर्‍याउने उद्देश्यसाथ उक्त प्रतियोगितामा शिवम् सिमेन्टले स्ट्रेन्थ पार्टनरका रूपमा सहकार्य गर्न लागेको हो ।

शिवम् सिमेन्टले राष्ट्रिय खेलको प्रवर्द्धन र दीर्घकालीन समर्थन नीति अनुरूप प्रतियोगितामा सहकार्य गर्न लागेको जनाएको छ । यस सम्बन्धमा हालै काठमाडौंमा आयोजित कार्यक्रममा नेपाल भलिबल संघ महासचिव रोशन श्रेष्ठ र शिवम् सिमेन्ट लिमिटेडका सेल्स एन्ड मार्केटिङ विभाग उपाध्यक्ष निखिल अग्रवालबीच सहकार्य सम्झौतामा हस्ताक्षर भएको थियो ।

भलिबल संघको आयोजनामा ९औं प्रधानमन्त्री कप ‘एनभीए महिला÷पुरुष भलिबल लिग २०८२’ आगामी जेठ ८ देखि १५ सम्म पोखरा रङ्गशालास्थित कभर्ड हलमा आयोजना हुनेछ । प्रतियोगितामा ६ महिला र ८ पुरुष टिम गरी कुल १४ टिम सहभागी हुनेछन् ।

शिवम् सिमेन्टले यसअघि पनि नेपाली भलिबल प्रवर्द्धनमा विभिन्न माध्यमबाट योगदान दिँदै आएको छ । कम्पनीले शेरबहादुर स्मृति प्रतिष्ठानद्वारा आयोजित महिला भलिबल कप, न्यु डाइमन्ड एकेडेमी टिम र एभरेस्ट भलिबल लिग अन्तर्गत कर्णाली यशविस टिमको प्रायोजन गर्दै भलिबल विकासमा सक्रिय भूमिका निर्वाह गर्दै आएको छ ।

शिवम् सिमेन्टले नेपाली खेलकुदको समग्र विकासमा निरन्तर साथ दिँदै आएको छ । भलिबल, क्रिकेट, फुटबल, म्याराथन जस्ता लोकप्रिय खेलकुद कार्यक्रमहरूमा विगतका वर्षदेखि निरन्तर सहभागिता जनाउँदै आएको र शिवम् सिमेन्टले आगामी दिनमा पनि यस्ता गतिविधिमा थप सहकार्य गर्दै जाने प्रतिबद्धता व्यक्त गरेको छ ।