एकै ठाउँ हुने सन्देशसहित कांग्रेसका सात नेताले सातै प्रदेशमा कार्यक्रम गर्ने

News Summary

Generated by OK AI. Editorially reviewed.

नेपाली कांग्रेसका सात नेताले सबै प्रदेशमा अन्तरक्रिया कार्यक्रम आयोजना गर्ने निर्णय गरेका छन्।
बैठकले छिट्टै कार्यक्रमको स्थान र मिति निर्धारण गर्ने सहमति व्यक्त गरे।
कार्यक्रम अन्त्यसम्म पार्टीको संरचना अनुसार आयोजना गरिने जानकारी दिइयो।

४ जेठ, काठमाडौं । नेपाली कांग्रेसका सात नेताले सबै प्रदेशमा अन्तरक्रिया राख्ने भएका छन् । पूर्व पदाधिकारीहरूको १५ औं महाधिवेशनमा छुट्टै प्यानल खडा गर्ने गरी निरन्तर छलफलमा रहेका नेताहरूको आइतबारको बैठकले उक्त निर्णय गरेको हो ।

बैठकमा सहभागी एक नेताका अनुसार काठमाडौंसहित सातै प्रदेशमा अन्तरक्रिया गर्ने सहमति बनेको जानकारी गराए ।

‘सातै प्रदेशमा अन्तरक्रिया गर्ने कुरा भएको छ । कहाँ कहिले गर्ने छिट्टै निर्णय लिन्छौं,’ बैठकमा सहभागी ती नेताले भने, ‘हामी एकै ठाउँमा छौं । मिलेर जान्छौं भन्ने सन्देश दिनेगरी कार्यक्रम गर्न लागेका हौं ।’

उनका अनुसार यसै महिनाको महिनाको अन्त्यतिरबाट प्रदेशगत कार्यक्रम सुरु गरिने छ । पार्टीको कुनै संरचना आयोजक बनाएर कार्यक्रम राखिने ती नेताले जानकारी गराए ।

नेता गोपालमान श्रेष्ठको पहलमा पूर्व सात पदाधिकारीको बैठक आज सानेपा बसेको थियो । उक्त बैठकमा नेताहरु विमलेन्द्र निधि, कृष्णप्रसाद सिटौला, प्रकाशमान सिंह, डा. शशांक कोइराला, श्रेष्ठ र पार्टी प्रवक्ता डा. प्रकाशशरण महत सहभागी थिए ।

विजय गच्छदार भने आजको बैठकमा उपस्थित थिएनन् ।

महाधिवेशन केन्द्रित समीकरण बनाउने गरी सात नेताहरूको बैठक निरन्तर बस्दै आएको छ । नेताहरूका अनुसार १५/१५ दिनमा समूहको बैठक बस्ने मोटोमोटी सहमति बनेको छ ।