‘राम नाम सत्य’मा दिब्या रायमाझी अनुबन्धित

News Summary

Generated by OK AI. Editorially reviewed.

माइकल चन्दको निर्देशनमा बन्न लागेको फिल्म ‘राम नाम सत्य’ मा दिब्या रायमाझी अनुबन्धित भएकी छन्।
उनले भनिन्, ‘यो फिल्मको कथा बेजोड छ र मेरो भूमिका पनि मनपर्‍यो, त्यसैले काम गर्न तयार भएकी हुँ।’
फिल्ममा पहिले नै सुशील श्रेष्ठ र विराज भट्ट अनुबन्धित भएका छन् र छायांकन साउनदेखि सुरु हुनेछ।
फिल्मको कथा एक्सन, पारिवारिक, प्रेम र सस्पेन्स कथामा निर्माण गरिनेछ र अर्जुन पोखरेल र बाबुल गिरीको संगीत रहनेछ।

काठमाडौं । माइकल चन्दको निर्देशनमा बन्न लागेको फिल्म ‘राम नाम सत्य’मा दिब्या रायमाझी अनुबन्धित भएकी छन् । निर्मातासँग उनको औपचारिक सम्झौता भएको छ ।

साइन गरेपछि उनले अनलाइनखबरसँग भनिन्, ‘यो फिल्मको कथा बेजोड छ । मेरो भूमिका पनि निकै मनपर्‍यो । यसले गर्दा, काम गर्न तयार भएकी हुँ ।’

फिल्ममा यसअघि अभिनेता सुशील श्रेष्ठ र विराज भट्ट अनुबन्धित छन् । दुईजना सिनियर कलाकारसँग काम गर्ने अवसर पाएकोमा आफू उत्साहित रहेको उनको भनाइ छ ।

छायांकन साउनदेखि सुरु गर्ने तयारी छ । माइकल इन्टरटेनमेन्ट हाउसको प्रस्तुतिमा तयार हुन लागेको यो फिल्ममा चन्दकै पटकथा छ । उपेन्द्र शाही, श्वेता विमली र उत्तम गुरुङ फिल्मका निर्माता हुन् ।

डीआर उपाध्याय र नरेन्द्र शाह कार्यकारी निर्माताको रुपमा छन् । अर्जुन पोखरेल र बाबुल गिरीको संगीत रहने फिल्ममा सुशन प्रजापतिको छायांकन हुनेछ ।

केही कलाकार फाइनल गरेर वर्कसप थाल्ने तयारी छ । फिल्मलाई एक्सन, पारिवारिक, प्रेम र सस्पेन्स कथामा निर्माण गर्न लागिएको छ । ‘एक्टर : टेक वन’बाट रजतपटमा डेब्यु गरेकी दिब्याको पछिल्लो रिलिज फिल्म ‘पिताम्बर’ हो ।