नेपाल जग्गा तथा आवास विकास संघको अध्यक्षमा दीपक कुँवर निर्वाचित

News Summary

Generated by OK AI. Editorially reviewed.

नेपाल जग्गा तथा आवास विकास संघको अध्यक्षमा दीपक कुवँर निर्विरोध निर्वाचित भए।
संघले नयाँ कार्यसमिति चयन गरी अध्यक्ष कुवँरको नेतृत्वमा काम गर्ने निर्णय गर्यो।
उनीले रियल स्टेट व्यवसायमा देखिएको सिथिलता हटाउने र व्यवस्थित आवास विकासमा जोड दिने बताए।

१० जेठ, काठमाडौं । नेपाल जग्गा तथा आवास विकास संघको अध्यक्षमा व्यवसायी दीपक कुँवर निर्विरोध निर्वाचित भएका छन् ।

व्यावसायिक आवास विकास गर्दै आएका देशभरिका घरजग्गा व्यवसायीको यो संस्थाले शनिवार काठमाडौंमा आयोजित साधारणसभा मार्फत कुँवरको अध्यक्षतामा सम्पूर्ण कार्यसमिति नै निर्विरोध निर्वाचित गरेको हो ।

संघको प्रथम उपाध्यक्षमा पुरुषोत्तम पौड्याल, द्वितीय उपाध्यक्षमा सुमितकुमार अग्रवाल र तृतीय उपाध्यक्षमा रोशन भोयद्यो निर्वाचित भएका छन् । महासचिवमा तुलसीप्रसाद अधिकारी, सचिवमा बरुणकुमार आचार्य, कोषाध्यक्षमा निश्चलकुमार श्रेष्ठ चुनिएका छन् । यसैगरी कार्यसमिति सदस्यमा डेगेन्द्रकुमार श्रेष्ठ, मनोजबहादुर श्रेष्ठ, हरिभक्त श्रेष्ठ, सन्दीप श्रेष्ठ, प्रश्रित भोयद्यो, सिद्धान्तविक्रम धमला र आभाष कुँवर चुनिएका छन् ।

विगत २५ वर्षदेखि आवास विकास व्यवसायमा संलग्न रहँदै आएका कुँवर सीडी डेभलपर्सका अध्यक्ष हुन् । उनले एक दर्जन हाराहारीमा सामुदायिक आवास तथा अपार्टमेन्ट विकास गरिसकेका छन् ।

नवनिर्वाचित अध्यक्ष कुँवरले आर्थिक मन्दीको मूल जड रियलस्टेट व्यवसायमा देखिएको शिथिलता रहेकाले यसलाई हल गर्न पहल गर्ने बताए । व्यावसायिक र व्यवस्थित आवास विकासलाई प्राथमिकता दिने नीति राज्यको हुनुपर्ने उनले बताए ।