राजावादीका लागि सर्वाधिक अनुकूल समय आयो : कमल थापा

News Summary

Generated by OK AI. Editorially reviewed.

राप्रपा नेपालका अध्यक्ष कमल थापाले गणतन्त्र, संघीयता र धर्मनिरपेक्षता खारेजीको लागि समय अनुकूल रहेको बताए।
उनले राजावादीहरू एकठाउँमा आएर आफ्नो एजेन्डाका लागि अनुकूल अवस्था बनेको बताए।
थापाले वर्तमान सरकारले गणतन्त्रको विरोध गर्न नमिल्ने गरी कानून बनाउन खोजेको आरोप पनि लगाए।

१३ जेठ, काठमाडौं । राप्रपा नेपालका अध्यक्ष कमल थापाले गणतन्त्र, संघीयता र धर्मनिरपेक्षता खारेजीका लागि सर्वाधिक अनुकूल समय आएको बताएका छन् ।

१५ जेठका लागि घोषित आन्दोलनका विषयमा सम्पादकहरू भइरहेको छलफलमा थापाले यस्तो बताएका हुन् ।

उनले केही समयदेखि पानी बाराबारको अवस्थामा रहेका राजावादीहरू अहिले एकठाउँमा आएको भन्दै उनले अहिले आफ्ना एजेन्डाका लागि सर्वाधिक अनुकूल समय आएको बताए ।

‘पानी बाराबारको अवस्थाबाट राजावादी एकठाउँमा उभिने अवस्थामा पुग्यौं’ अध्यक्ष थापाले भने, ‘गणतन्त्र, संघीयता, धर्मनिरपेक्षता खारेजीका लागि यो सर्वाधिक अनुकूल अवस्था आएको छ भन्ने रियलाइजेसन भएको छ ।’

उनले राजावादीहरूको वैचारिक अस्तित्व संकटमा पार्न दलहरू सक्रिय रहेको भन्दै त्यसविरुद्ध यो रियलाइजेसन महत्वपूर्ण रहेको बताए ।

यो पनि पढ्नुहोस

१५ जेठको हाम्रो आन्दोलनलाई प्रधानमन्त्रीले भड्काउन खोजे : राजेन्द्र लिङ्देन

वर्तमान सरकारले गणतन्त्रको विरोध गर्नु राज्यद्रोह हो भन्ने खालको कानून बनाउन खोजेको थापाको भनाइ थियो ।

थापाअघि राप्रपा अध्यक्ष राजेन्द्र लिङ्देनले धारणा राखेका थिए । उनले १५ जेठका लागि आह्वान गरिएको शान्तिपूर्ण आन्दोलनलाई भड्काउन प्रधानमन्त्री नै लागेको बताए ।