अरुण–३ आयोजनाको उत्पादन मिति पर सार्न समिति गठन सिफारिस

फाइल तस्वीर

News Summary

Generated by OK AI. Editorially reviewed.

अरुण–३ जलविद्युत् परियोजनाको व्यावसायिक उत्पादन मिति पर सार्ने प्रयोजनका लागि समिति गठन हुने भएको छ ।
९ सय मेगावाट क्षमताको अरुण–३ आयोजनाको निर्माण सक्ने अवधि मार्च २०२५ थियो ।

१३ जेठ, काठमाडौं । अरुण–३ जलविद्युत् परियोजनाको व्यावसायिक उत्पादन मिति पर सार्ने प्रयोजनका लागि समिति गठन हुने भएको छ ।

मंगलबार बसेको लगानी बोर्ड बैठकले यो परियोजनाको परियोजना विकास सम्झौता प्रावधान अनुसार ‘प्रोजेक्ट रिभ्यु प्यानल’ गठन गर्न नेपाल सरकार समक्ष सिफारिस गर्ने निर्णय गरेको हो ।

९ सय मेगावाट क्षमताको अरुण–३ आयोजनाको निर्माण सक्ने अवधि मार्च २०२५ थियो । यो अवधिमा आयोजनाको काम नसकिएपछि सतलज जलविद्युत् निगमले समय बढाउन माग गरेको छ ।

यो समय थप गर्ने प्रयोजनका लागि यस्तो प्यानल गठन गर्न बोर्डले सरकार समक्ष सिफारिस गरेको हो । यसै समितिले दिएको सिफारिसका आधारमा बोर्डले उत्पादन मिति थप गर्ने निर्णय लिने छ ।