खाँदबारीबाट डेढ किलो यार्सा गुम्बासहित जुम्लाका शाही पक्राउ

News Summary

Generated by OK AI. Editorially reviewed.

संखुवासभाबाट प्रहरीले डेढ किलोभन्दा बढी यार्सा सहित ऐनबहादुर शाहीलाई पक्राउ गर्‍यो।
उनी खाँदबारीबाट जुम्लाको सिंजा गाउँपालिका–३ बाट पक्राउ परेका हुन्।
प्रहरीले उनीसँग २५ हजार ४ सय ३० नेपाली र ७ सय ३० भारतीय रुपैयाँ समेत बरामद गरेको छ।

२० जेठ, विराटनगर । संखुवासभाबाट प्रहरीले डेढ किलो भन्दा बढी यार्सा गुम्बासहित एक जनालाई पक्राउ गरेको छ ।

मंगलबार खाँदबारी नगरपालिका–३ सुमन चोकबाट जुम्लाको सिंजा गाउँपालिका–३ घर भएका ४६ वर्षीय ऐनबहादुर शाहीलाई पक्राउ गरेको हो ।

उनको साथबाट १ किलो ६ सय ७० ग्राम यार्सा गुम्बा बरामद भएको संखुवासभा प्रहरी प्रहरी प्रवक्ता निरीक्षक अभिषेककुमार श्रेष्ठले जानकारी दिए । को. १ज २६३१ नम्बरको भाडाको बोलेरो गाडीमा मकालु गाउँपालिका–५ नुमबाट सदरमुकाम खाँदबारीतर्फ आउँदै गरेको अवस्थामा उनी पक्राउ परेका हुन् ।

शाहीको साथबाट नेपाली २५ हजार ४ सय ३० रूपैयाँ र भारतीय ७ सय ३० रूपैयाँसमेत बरामद भएको इन्स्पेक्टर श्रेष्ठले जानकारी दिए । प्रहरीले पक्राउ गरेर उनलाई आवश्यक अनुसन्धान एवं कारबाहीका लागि डिभिजन वन कार्यालय संखुवासभाको जिम्मा लगाएको छ ।