२०८२ जेठ २७ गते १९:४० 
News Summary
Generated by OK AI. Editorially reviewed.- एएफसी एसियन कप अन्तर्गत नेपालले लाओससँग २-१ गोलअन्तरले पराजित भयो।
- खेलमा लाओसले दुवै हाफमा १-१ गोल गरेको थियो र नेपालले मनिष डाँगीको पेनाल्टी गोलले फर्काउने प्रयास गर्यो।
- नेपालले यसअघि लाओससँग ६ खेलमा पराजित नभएको थियो, आजको हारले त्यो नतिजामा ब्रेक लाग्यो।
२७ जेठ, काठमाडौं । एएफसी एसियन कप छनोअन्तर्गत लाओसविरुद्धको खेलमा नेपाल पराजित भएको छ । घरेलु मैदानमा लाओसले नेपाललाई २-१ गोलअन्तरले हराएको हो ।
लाओसले दुवै हाफमा १-१ गोल गरेको थियो । पहिलो हाफको १३औं मिनेटमा दामोथ थोङ्खामसाभाथले हेडरमार्फत गोल गर्दै लाओसलाई अग्रता दिलाएका थिए ।
त्यस्तै दोस्रो हाफको ४९औं मिनेटमा पिटर पान्थावोङले डिबक्स बाहिरबाट सोझै प्रहार गरेको बल गोलकिपर किरणले बचाउन नसक्दा लाओसले अग्रता दोब्बर पार्यो ।
७३औं मिनेटमा मनिष डाँगीले पेनाल्टीमार्फत गोल गर्दै नेपाललाई खेलमा फर्काउने संकेत गरेका थिए । तर त्यसपछि थप गोल हुन सकेन र लाओसले नेपालविरुद्ध पहिलोपटक जित निकाल्न सफल भयो ।
नेपाल लाओससँग यस खेल अघिसम्म ६ खेल खेल्दा पराजित भएको थिएन । नेपालले ४ खेल जित्दा दुई खेल बराबरीमा सकिएका थिए । आजको खेलमा पराजित भएपछि लाओससँगको अपराजित नतिजामा ब्रेक लागेको छ ।
समूह एफमा रहेका नेपाल र लाओस दुवैले छनोटको पहिलो खेलमा हार व्यहोरेका थिए ।
प्रतिक्रिया 4