‘फुबार’देखि ‘केशरी २’ सम्म : यससाता ओटीटीमा हेर्नूस १० फिल्म

काठमाडौं । यससाता ओटीटी प्लाटफर्ममा चर्चित फिल्म र श्रृंखला आउँदैछन् । तपाईं यी रिलिजको पर्खाइमा हुनुहुन्छ भने, यो सप्ताहन्तको सूची विशेष हुनसक्छ ।

जिओ हटस्टारमा अक्षयकुमार र आर माधवनका फिल्म आउनेछन् । एप्पल टिभी प्लसले जुलियन मूर र सिड्नी स्वीनी अभिनित हलिउड थ्रीलर ल्याउँदैछ । नेटफ्लिक्सले अर्नोल्ड स्वार्जनेगरको अभिनय रहेको जासूसी एक्सन श्रृंखला ल्याउँदैछ ।

‘फुबार’ सिजन २- नेटफ्ल्क्सि

जुन १२, २०२५

अर्नोल्ड स्वार्जनेगर र मोनिका बारबारोको एक्सन–कमेडी ‘फुबार’ नयाँ सिजनसहित फर्किएको छ । यसपटक, लुक ब्रुनर खतराको सामना गर्ने साहससहित फर्किएका छन् । पहिलेको एक भिलेन जो संसारलाई ध्वस्त पार्न खोजिरहेको छ । बुबाछोरी र उनीहरूको टोलीले त्यो खतरालाई रोक्न एक हुनुपर्नेछ ।

राणा नयडु सिजन २- नेटफिल्क्स

जुन १२, २०२५

राणा नायडूले रौफ नामक एक शक्तिशाली शत्रुसँग सामना गर्नुपर्छ, जो पुरानो बदला लिन फर्किन्छ । के राणाले आफ्नो परिवारलाई यो नयाँ खतराबाट जोगाउन र आफ्नो भविष्य सुरक्षित गर्न सक्ला ?

किंग्स अफ जोबर्ग सिजन ३- नेटफ्ल्क्सि

जुन १३, २०२५

किंग्स अफ जो’बर्ग एक दक्षिण अफ्रिकी एक्सन–एडभेन्चर थ्रिलर हो जसले अफ्रिकी लोककथालाई आफ्नो कथामा पेश गर्छ । साइमनको बहिर्गमनपछि मो अब मासाइर साम्राज्यको नेतृत्वमा बस्छन् र शक्ति संघर्ष सुरु हुन्छ । ऊ एक आपराधिक भूमिगत संसार, मानव र अलौकिक दुवै शत्रुहरूसँग जुध्नुपर्छ ।

डीप कभर- प्राइम भिडियो

जुन १२, २०२५

यो एक्सन-कमेडी फिल्ममा प्रहरीको अप्रेसनलाई पछ्याइएको छ जहाँ खतरनाक आपराधिक गिरोहमा घुसपैठ गर्न कलाकारलाई भर्ती गरिन्छ ।

द ट्रेटर्स

जुन १२, २०२५

करण जोहरद्वारा होस्ट गरिएको यो शो मोबाइल गेमजस्तै छ । द ट्रेटर्स (इन्डिया) विश्वव्यापी ट्रेटर्स फ्रान्चाइजीको हिस्सा हो, जसको विश्वभर संस्करण छन् । भारतीय संस्करण श्रृंखलाको २३ औं संस्करण हो । कार्यक्रममा, प्रतियोगीको समूह छनोट गरिन्छ, जसमध्ये केहीलाई गोप्य रूपमा ट्रेटर्सको रूपमा तोकिन्छ, जसलाई आफ्ना साथी खेलाडीलाई पक्राउ नगरी हटाउने जिम्मेवारी दिइएको हुन्छ ।

अलाप्पुजा जिमखाना- सोनीलिभ

जुन १३, २०२५

अलाप्पुझा जिमखाना भनेको एउटै कलेजमा पढ्न चाहने तर शैक्षिक आवश्यकता पूरा नगर्ने युवाको समूहको बारेमा हो । उनीहरूको एक मात्र विकल्प भनेको खेलकुद कोटा पार गर्नु हो र यो लक्ष्य हासिल गर्न उनीहरूले रोज्ने खेल बक्सिङ हो ।

केशरी च्याप्टर २- जियो हटस्टार

जुन १३, २०२५

‘केसरी अध्याय २’ जलियाँवाला बाग नरसंहार र त्यसपछि ब्रिटिश राजविरुद्धको अदालती मुद्दाको वरिपरि केन्द्रित एक ऐतिहासिक कोर्टरूम ड्रामा हो । यो रघु पलट र पुष्पा पलटद्वारा लिखित पुस्तक ‘द केस द्याट शक द एम्पायर’मा आधारित छ र यसमा अक्षय कुमार, आर. माधवन र अनन्या पाण्डाले अभिनय गरेका छन् ।

पदक्कलम- जियो हटस्टार

जुन १०, २०२५

पदक्कलम एउटा खेल बोर्डको बारेमा काल्पनिक कथा हो जसले आफ्ना खेलाडीहरूलाई सट्टेबाजीमार्फत अलौकिक क्षमता प्रदान गर्दछ । उदाहरणका लागि, एक खेलाडीले शरीरमा मोटरको कार्यमा बाजी लगाउन सक्छ । यो सबै कलेज क्याम्पसको पृष्ठभूमिमा प्रस्तुत हुन्छ ।

स्नोे ह्वाइट- जियो हटस्टार

जुन ११, २०२५

यो क्लासिकल डिज्नी एनिमेटेड फिल्म हो, जुन हालै हलमा रिलिज भएको थियो । सौतेनी आमाबाट आफ्नो राज खानदान जोगाउन राजकुमारीले गर्ने संघर्षको कथा यसमा छ ।

इको भ्याली- एप्पल टिभी प्लस

जुन १३, २०२५

इको भ्यालीमा जुलियन मूर र सिड्नी स्वीनीले आमा र छोरीलाई संकटमा फसेको भूमिकामा अभिनय गरेका छन् । समस्यामा परेकी छोरीले आफ्नो प्रेमीलाई मार्छिन् र मद्दतको लागि आफ्नी आमालाई भेट्छिन् । यद्यपि, आमाले उनलाई सहयोग गर्ने निर्णय गर्दा जटिलताहरू निम्त्याउँछ र पक्राउ पर्ने डर बढ्छ ।