टिपरको ठक्करबाट स्कुटर यात्रुको मृत्यु

News Summary

Generated by OK AI. Editorially reviewed.

विराटनगरमा टिपरको ठक्करबाट ४८ वर्षीय सुशील बजगाईंको मृत्यु भयो।
दुर्घटनामा स्कुटर चालक प्रितम बजगाईको अवस्था सामान्य रहेको छ।
टिपर र चालक कानेपोखरी गाउँपालिका–३ का कूलदीप चौधरीलाई नियन्त्रणमा लिइएको छ।

४ असार, विराटनगर । विराटनगरमा टिपरको ठक्करबाट एक जनाको मृत्यु भएको छ । विराटनगर महानगरपालिका–३ पञ्चेश्वर मन्दिरअगाडि टिपरले स्कुटरलाई टक्कर दिँदा मोरङको सुन्दरहरैँचा नगरपालिका–१२ का अन्दाजी ४८ वर्षीय सुशील बजगाईंको मृत्यु भएको हो ।

मोरङ ट्राफिक प्रमुख इन्स्पेक्टर राजन लम्सालका अनुसार दक्षिणबाट उत्तरतर्फ जाँदै गरेको को १ क ९५३ नम्बरको टिपरले उत्तरतर्फ नै जाँदै गरेको प्र १–०२–०४८ प ३७८१ नम्बरको स्कुटरलाई दिउँसो २ः३० बजेतिर ठक्कर दिएको थियो ।

दुर्घटनामा गम्भीर घाइते भएका बजगाईलाई उपचारका लागि विराट शिक्षण अस्पताल पुर्याउनसाथ चिकित्सकले मृत घोषित गरेका थिए । दुर्घटनालगत्तै टिपर र चालक मोरङको कानेपोखरी गाउँपालिका–३ का ३३ वर्षीय कूलदीप चौधरीलाई नियन्त्रणमा लिएको छ ।

दुर्घटनामा स्कुटर चालक २० वर्षीय प्रितम बजगाईंको अवस्था भने सामान्य छ । उनी सुशीलका छोरा हुन् ।