News Summary
Generated by OK AI. Editorially reviewed.- नेपाल सुनचाँदी शिल्प व्यवसायी संघले विलासिता कर र मूल्य अभिवृद्धि कर खारेजीको माग गर्दै चरणबद्ध आन्दोलन घोषणा गरेको छ।
- संघले सरकारले माग पूरा नगरेसम्म आन्दोलन जारी राख्ने बताएको छ ।
१५ असार, काठमाडौं । नेपाल सुनचाँदी शिल्प व्यवसायी संघले विलासिता करविरुद्ध चरणबद्ध आन्दोलन घोषणा गरेको छ ।
संघले आइतबार काठमाडौंमा पत्रकार सम्मेलन गर्दै सुनमा लगाइएको २ प्रतिशत विलासिता कर र बहुमुल्य हिरा पत्थरमा लगाइएको १३ प्रतिशत मूल्य अभिवृद्धि कर खारेजीको माग राखेर संघले आन्दोलन घोषणा गरेको हो ।
पत्रकार सम्मेलनमा संघका अध्यक्ष केशवबहादुर सुनारले सरकारले आफ्ना मागहरू सम्बोधन नगरेको भन्दै चरणबद्ध आन्दोलनमा जानुपरेको बताए ।
उनले अगामी आर्थिक वर्षको बजेटमार्फत सुनचाँदीका गरगहनामा लगाइएको विलासिता कर र बहुमुल्य हिरा पत्थरमा लगाइएको मूल्य अभिवृद्धि कर खारेज नगर्नेसम्म आन्दोलन नछोड्ने बताए ।
उनले सुनचाँदीका गरगहनामा अनावश्यक कर लगाउँदा साना व्यवसायी तथा उपभोक्ता मारमा पर्नेतार्फ सरकारको ध्यानाकर्षण गराए ।
उनले सुनको भन्सार ६ प्रतिशत कायम गर्नुपर्ने तथा सुनचाँदीको कारोबारको लागि प्रष्ट नियमावली बनाउन समेत माग गरे ।
सुनारका अनुसार संघले भोलिदेखि चरणबद्ध आन्दोलन गर्ने बताए ।
ललितपुर संघ, भक्तपुर संघ, हस्तकला संघ, शिल्प व्यवसायी संघ र कला व्यवसायी संघले समेत आन्दोलन गर्ने उनको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4