१८ असार, काठमाडौं। तरुण दलको तदर्थ समिति भंगको माग गर्दै केन्द्रीय कार्यालय सानेपामा आमरण अनसन बसेकाले चार दिनपछि अनसन तोडेका छन् ।
कांग्रेस उपसभापति पूर्ण बहादुर खड्काले अनसनरत तरूण दलका नेताहरूलाई जुस खुवाएर अनसन तोडाएका हुन् ।
१५ गतेदेखि पार्टीको केन्द्रीय कार्यालय भवनको मूल गेटमा रोजन राई र अम्बिका बाँस्कोटा आमरण अनसन बसेका थिए । विद्वान गुरुङ नेतृत्वको केन्द्रीय समिति भंग गर्नुपर्ने उनीहरुको माग थियो ।
पार्टीको निर्देशक समितिको सक्रियतामा तरुण दलको अधिवेशन मंसिर २६ देखि २८ सम्म गर्ने गरी प्रतिवद्धता जाहेर गरेपछि उनीहरुले अनसन तोडेका हुन् । अधिवेशन गराउनका लागि पार्टीले तरुण दलमा सानो आकारको व्यवस्थापन समिति बनाउने समेत सहमति बनेको छ ।
कांग्रेस महामन्त्री गगन थापाले तरुण दलमा सानो आकारको व्यवस्थापन समिति बनाउने सहमति पत्रलाई पढेर सुनाएका थिए ।
असन्तुष्ट पक्षले वर्तमान समिति भंग गर्नका लागि ६ बुँदे कारण देखाएको थियो । सबै तहको निर्वाचन सकिएको तीन महिना हुँदै गत चैत मसान्तसम्मको अवधिसम्म पनि महाधिवेशन गर्न नसकेकाले अक्षम रहेको बताएका थिए ।
अध्यक्ष गुरुङले तरुण दलको भवन आफूखुसी भत्काएको, गणेशमान सिंह प्रतिष्ठान भवन निर्माणका लागि छुट्याइएको बजेटको गलत प्रचार गरेको लगायतका कारण देखाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4