१९ असार, हेटौंडा । बागमती प्रदेश सभाको बैठक बिहिबार दिउँसो २ बजे बस्ने भएको छ । विहान ११ बजेका लागि बोलाइएको बैठक दिउँसो २ बजेका लागि सारिएको हो ।
सभामुख भुवनकुमार पाठकले सर्वदलीय बैठक बोलाएपछि बैठक सारिएको सभा सचिव रामकुमार पाैडेलले जानकारी दिए ।
प्रदेशसभा नियमित सञ्चालन आगामी आर्थिक वर्ष २०८२/८३ को बजेटमाथि छलफल अगाडि बढाउन सर्वदलीय बैठक बोलाइएको सभामुख पाठकले जानकारी दिए ।
प्रदेशसभा सचिवालयमा जारी बैठकमा सत्तारूढ दल नेपाली कांग्रेस र नेकपा एमाले तथा प्रमुख प्रतिपक्षी दल नेकपा माओवादी केन्द्रसहित राप्रपा, नेकपा (एकीकृत समाजवादी)का सांसदहरु लगायत सहभागी छन् ।
विपक्षी दलहरूले बजेटप्रति असन्तुष्टि जनाउँदै सदन अवरुद्ध गर्ने चेतावनी दिँदै आएका छन् ।
बजेटमाथि छलफलका लागि यसअघि असार १२ र १६ गते बोलाइएको बैठक सञ्चालन हुन नसकेपछि आजका लागि सारिएको थियो ।
सरकारको नेतृत्व गरिरहेको नेपाली कांग्रेसभित्रै यसअघि बजेटको विषयलाई लिएर विवाद उत्पन्न भएपछि सदन सञ्चालन हुन सकेको थिएन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4