अपडेट : हुम्लाको तिल गाउँमा आएको बाढीले ४ काठेपुल बगायो

घट्ट, कुलो, स्तुपा र उवामा पनि क्षति

घटनास्थलमा सुनखानी प्रहरीचौकीबाट ५ जनाको टोली गएर क्षतिको विवरण संकलन गरेर ल्याइएको डिएसपी पोखरेलले बताए ।

नरजन तामाङ

२०८२ साउन १४ गते १४:२३

News Summary

Generated by OK AI. Editorially reviewed.

हुम्लाको नाम्खा गाउँपालिका–६ तिल गाउँ नजिकको खोलामा आएको बाढीले चार वटा काठेपुल बगाएको छ।
बाढीले तिल गाउँ जोड्ने काठेपुल, पानी घट्ट, सार्वजनिक कुलो र बुद्धको स्तुपामा क्षति पुगेको छ।
साउन १२ गते दिउँसो चार बजेतिर आएको बाढीले खेतबारीमा रोपिएको उवामा पनि क्षति पुर्‍याएको छ।

१४ साउन, हुम्ला । हुम्लाको नाम्खा गाउँपालिका–६ तिल गाउँ नजिकको खोलामा आएको बाढीले चार वटा काठेपुल बगाएको छ ।

बाढीले तिल गाउँ जोड्ने ४ वटा काठेपुल, पानी घट्ट, सार्वजनिक कुलो र खोला छेउमा रहेको बुद्धको स्तुपामा क्षति भएको जिल्ला प्रहरी कार्यालय हुम्लाका डिएसपी शंकर पोखरेलले बताए ।

खेतबारीमा रोपिएको उवामा पनि क्षति पुगेको जिल्ला प्रहरी कार्यालय हुम्लाले जनाएको छ । साउन १२ गते दिउँसो चार बजेतिर हुम्लाको तिल गाउँमा एक्कासी बाढी आएको थियो ।

प्रहरी टोलीसँग स्थानीयले गुन्छुसा खोलामा आएको बाढीले क्षति पुगेको बताएका थिए । क्षतिको सम्पूर्ण विवरण आउन भने बाँकी नै रहेको डिएसपी पोखरेलले बताए ।

हुम्लाको तिलगाउँमै गत जेठ १ गते पनि बाढी आउँदा क्षति पुगेको थियो । त्यतिबेला गाउँको सिरानमा रहेका हिमतालको पानी चुहिएर बाढी आएको विज्ञ टोलीले निष्कर्ष निकालेको थियो ।