आँधी ल्याएका बलिउडको ‘सैयारा’ र हलिउडको ‘सुपरम्यान’ ओटीटीमा कहिले आउँछन् ?

News Summary

Generated by OK AI. Editorially reviewed.

बलिउडको फिल्म ‘सैयारा’ सेप्टेम्बर १२ मा नेट्फिल्क्समा ओटीटी रिलिज हुने भएको छ।
हलिउडको ‘सुपरम्यान’ फिल्म अगस्ट १५ देखि अमेजन प्राइम भिडियो, एप्पल टिभी र फ्यान्डाङ्गो एट होममा स्ट्रिमिङ उपलब्ध हुनेछ।
‘सुपरम्यान’ सेप्टेम्बर २३ देखि फोरके युएचडी र ब्लु रे डिभडी संस्करणमा पनि उपलब्ध हुनेछ।

काठमाडौं । बलिउडको बहुचर्चित फिल्म ‘सैयारा’ र हलिउडको बहुचर्चित ‘सुपरम्यान’ले ओटीटी रिलिजको घोषणा गरेका छन् । निर्माताले यी दुई फिल्म कहिले आउने भन्ने कुरा सार्वजनिक गरेका छन् ।

अहान पाण्डे र अनित पड्डा स्टारर यशराज फिल्म्सको रोमान्टिक ड्रामा ‘सैयारा’ले हलमा उछाल ल्याइसकेको छ । दर्शक यो फिल्मलाई ओटीटीमा हेर्न समेत अधैर्य छन् ।

निर्माताका अनुसार ‘सैयारा’ सेप्टेम्बर १२ मा नेट्फिल्क्समा रिलिज हुनेछ । मोहित सुरी निर्देशित यो फिल्मले नेपालका हलमा समेत उछाल कमाइ गरिसकेको छ ।

यसैबीच, हालै हलमा रिलिज भएको हलिउडको बहुचर्चित सुपरहिरो फिल्मको ओटीटी रिलिज डेट पनि घोषणा भएको छ ।

द र्‍यापका अनुसार, ’सुपरम्यान’ (२०२५) अगस्ट १५ देखि अमेजन प्राइम भिडियो, एप्पल टिभी र फ्यान्डाङ्गो एट होममा अनलाइन स्ट्रिमिङको लागि उपलब्ध हुनेछ । अर्कोतर्फ, फिल्म सेप्टेम्बर २३ देखि फोरके युएचडी, ब्लु रे डिभडी संस्करणमा समेत उपलब्ध हुनेछ ।

यी दुवै फिल्म ओटीटी प्लाटफर्ममा बहुप्रतीक्षित हुन् ।