कर्मचारी निकालेको क्वान्टास एयरलाइन्सलाई ५.९ करोड डलरको जरिवाना

News Summary

Generated by OK AI. Editorially reviewed.

अष्ट्रेलियाको अदालतले कोभिड–१९ महामारीमा १ हजार ८२० भन्दा बढी ग्राउन्ड वर्करहरूलाई अवैध रूपमा बर्खास्त गरेकोमा क्वान्टास एयरलाइन्सलाई ५.९ करोड डलर जरिवाना लगाएको छ।
अष्ट्रेलियन ट्रान्सपोर्ट वर्कर्स युनियनले यो निर्णयलाई स्वागत गर्दै फेयर वर्क एक्ट अन्तर्गत सबैभन्दा ठूलो जरिवाना भएको जनाएको छ।
क्वान्टास ग्रुपकी सीईओ भानेसा हडसनले १ हजार ८२० कर्मचारी र उनका परिवारसँग माफी माग्दै अदालतको निर्णय स्वीकार गरेको बताइन्।

२ भदौ, काठमाडौं । अष्ट्रेलियाको एक अदालतले कोभिड–१९ महामारीको समयमा १ हजार ८२० भन्दा बढी ग्राउन्ड वर्करहरूलाई अवैध रूपमा बर्खास्त गरेको मामिलामा क्वान्टास एयरलाइन्सलाई ५.९ करोड डलर जरिवाना लगाएको छ।

बीबीसीका अनुसार, अष्ट्रेलियन ट्रान्सपोर्ट वर्कर्स युनियनले यस निर्णयलाई स्वागत गरेको छ । फेयर वर्क एक्ट अन्तर्गत कुनै अष्ट्रेलियाली कम्पनीमाथि लगाइएको यो अहिलेसम्मकै सबैभन्दा ठूलो जरिवाना रहेको युनियनले जनाएको छ ।

संघीय अदालतका न्यायाधीश माइकल लीले यो सजायँ अरू कम्पनीहरूका लागि पनि एउटा उदाहरण बन्ने बताए।

क्वान्टास एयरलाइन्सले अदालतले तोकेको जरिवाना तिर्ने प्रतिक्रिया दिएको छ ।

कम्पनीले यस निर्णयले आफ्ना कर्मचारीहरूलाई नोक्सान पुर्‍याउने कामबापत आफूलाई जिम्मेवार ठहराएको पनि बताएको छ ।

क्वान्टास ग्रुपकी सीईओ भानेसा हडसनले भनिन्, ‘हामी १ हजार ८२० ग्राउन्ड ह्यान्डलिङ कर्मचारीहरू र उनका परिवारहरूसँग माफी माग्छौं, जसले यो दुःख सहनुपर्‍यो।’