रेड नोटिस जारी भएका व्यक्तिलाई कुबेतबाट नेपाल ल्याइयो

फाइल तस्वीर

News Summary

Generated by OK AI. Editorially reviewed.

मानव बेचबिखन मुद्दामा इन्टरपोलबाट रेड नोटिस जारी फरार प्रतिवादी कृष्ण सुनार कुवेतबाट पक्राउ परेर नेपाल फिर्ता ल्याइएको छ।
एनसीबी कुवेतको समन्वयमा पक्राउ परेका सुनारलाई जिल्ला प्रहरी कार्यालय सुर्खेतमा बुझाइने नेपाल प्रहरी प्रधान कार्यालय इन्टरपोल शाखाले जनाएको छ।
उनलाई २५ चैत २०८१ मा अन्तर्राष्ट्रिय खोजतलासका लागि रेड नोटिस जारी गरिएको थियो।

११ भदौ, काठमाडौं । मानव बेचबिखन तथा ओसार पसार मुद्दामा इन्टरपोलबाट रेड नोटिस जारी भएका फरार प्रतिवादी पक्राउ परेका छन् ।

पक्राउ पर्नेमा सुर्खेत भेरीगंगा नगरपालिका–२ सप्तरी समाझिंघा बस्ने कृष्ण सुनार हुन् । नेसनल सेन्ट्रल ब्यूरो (एनसीबी) कुवेतको समन्वयमा कुवेतमा पक्राउ परेका उनलाई सम्बन्धित मुद्दामा कारवाही गर्न बुधबार बिहान नेपाल फिर्ता ल्याइएको हो ।

उनलाई अन्तर्राष्ट्रिय स्तरमा खोजतलास एवं पक्राउ गर्नको लागि एनसीबी काठमाडौंको अनुरोधमा इन्टरपोल महासचिवालयबाट २५ चैत २०८१ मा रेड नोटिस जारी भएको थियो ।

उनलाई सम्बन्धित कसूर बमोजिम कानूनी कारबाहीको लागि जिल्ला प्रहरी कार्यालय सुर्खेत बुझाइने नेपाल प्रहरी प्रधान कार्यालय इन्टरपोल शाखाले जनाएको छ ।