सिसन बानियाँले फेरि ल्याए नयाँ गीत ‘चोकतिर’

News Summary

Generated by OK AI. Editorially reviewed.

सिसन बानियाँले आसिन दंगालसँगको सहकार्यमा \'चोकतिर\' नामक नयाँ र्‍याप गीत स्पोटिफाईमा मात्र सार्वजनिक गरेका छन्।

१६ भदौ, काठमाडौं । भ्लगिङबाट चर्चा कमाएका सिसन बानियाँले नयाँ र्‍याप निकालेका छन् । आसिन दंगालसँगको सहकार्यमा बानियाँले ‘चोकतिर’ बोलको गीत निकालेका हुन् ।

हाल यो गीत स्पोटिफाईमा मात्र उपलब्ध छ । ४ मिनेट ३ सेकेन्डको यस गीतमा बानियाँले एउटा भर्समा र्‍याप हानेका छन् । यसमा लिरिक्स र कम्पोजिसन दंगालकै छ । यो गीत उनको एकल गीत हो।

उनी केही वर्षयता बानियाँसँगै रहेर काम गर्दै आइरहेका छन् । बानियाँको भ्लगहरूमा यो गीत गाउँदै पनि आइरहेका थिए ।

बानियाँले समेत यो सहकार्यबारे केही समयअघि आफ्नो इन्स्टाग्राम ब्रोडकास्ट च्यानलमा बताएका थिए । उनका अनुसार यो उनको अन्तिम सांगीतिक कोसेली हुनेछ ।

यसअघि बानियाँले नवाज अन्सारी र ओएमजी स्पार्कसँग ‘बबाल’ र दुर्गेश थापासँग ‘जाने भए जाउ माया’ गीत निकालेका थिए ।