२०८२ भदौ २० गते ८:०५ 
News Summary
Generated by OK AI. Editorially reviewed.- सुदूरपश्चिम रोयल्सले नेपाल प्रिमियर लिगको दोस्रो संस्करणका लागि अस्ट्रेलियाका ब्याटर क्रिस लिनलाई पहिलो विदेशी खेलाडीका रूपमा सार्वजनिक गरेको छ।
- क्रिस लिनले अस्ट्रेलियाका लागि १८ टी-२०आई खेलमा २९१ रन बनाएका छन् र विश्वका चर्चित क्रिकेट लिगहरूमा खेलेका छन्।
- नेपाल प्रिमियर लिगको दोस्रो संस्करण मंसिर १ देखि सुरु हुँदैछ।
२० भदौ, काठमाडौं । नेपाल प्रिमियर लिग (एनपीएल)को दोस्रो संस्करणका लागि सुदूरपश्चिम रोयल्सले अस्ट्रेलियाका ब्याटर क्रिस लिनलाई पहिलो विदेशी खेलाडीका रूपमा सार्वजनिक गरेको छ ।
यसअघि बुधबार टोलीले दिएको हिन्टका आधारमा अनलाइनखबरले उक्त खेलाडी लिन भएको समाचार ब्रेक गरेको थियो । रोयल्सले आज आधिकारिक रूपमा नै लिनलाई पहिलो विदेशी खेलाडीका रूपमा सार्वजनिक गरेको हो ।
अस्ट्रेलियाका लागि उनले १८ टी-२०आई खेलमा २९१ रन बनाएका छन् । सबैखाले टी-२० मा उनले ५ शतकसहित २९३ खेलमा ८३५५ रन बनाएका छन् ।
उनले आईपीएल, बीबीएल, सीपीएल लगायत विश्वका चर्चित क्रिकेट लिगहरूमा खेलेका छन् ।
एनपीएलको दोस्रो संस्करण यही मंसिर १ देखि सुरु हुँदैछ ।
प्रतिक्रिया 4