अब शान्त र उत्तरदायी भएर नयाँ नेपालको बारेमा सोचौं : सुशान्त केसी

News Summary

Generated by OK AI. Editorially reviewed.

गायक सुशान्त केसीले टिकटकमा पोस्ट गर्दै हिंसा बन्द गरी नयाँ नेपालको बारेमा सोच्नुपर्ने बताएका छन्।
उनले भने, 'अहिलेको लागि हामी शान्त र उत्तरदायी भएर सोच्न पर्छ । अब यो हिंसा बन्द गरौं ।'
केसीले जेन्जीले २८ घण्टामै देशको सिस्टम पल्टाएको उल्लेख गर्दै न्यायको माग गरेका छन्।

काठमाडौं । गायक सुशान्त केसीले अब नयाँ नेपालको बारेमा सोच्नुपर्ने बताएका छन् । हिंसा बन्द गरेर उत्तरदायित्वसहित राम्रो कार्य गर्नेतर्फ अघि बढ्नुपर्ने धारणा राखेका छन् ।

टिकटकमा पोस्ट गर्दै उनले प्रशंसकलाई भनेका छन्, ‘अहिलेको लागि हामी शान्त र उत्तरदायी भएर सोच्न पर्छ । अब यो हिंसा बन्द गरौं ।’

उनी अघि लेख्छन्, ‘यत्रो वर्षदेखि केही परिवर्तन ल्याउन नसकेको देशमा जेन्जीले २८ घण्टामै देशको सिस्टम पल्टाएको छ । यो हाम्रो जित भैसक्यो र हामी गुमाएका साथीभाई, दिदीबहिनीहरूले नि अब अवश्य न्याय पाउनेछन् ।’

‘तर, अहिलेको लागि अब हामी शान्त र उत्तरदायी भएर सोच्न पर्छ । नयाँ नेपालको बारेमा सोच्न पर्छ । अब यो हिंसा बन्द गरौं । हाम्रो देश हो । हाम्रै सम्पत्ति हो । अब राम्रो गर्नतिर लागौं । जय नेपाल’ उनी लेख्छन् ।

प्रायः सामाजिक र राजनीतिक मुद्दामा टिप्पणी नगर्ने गायक केसीले टिकटकमा भिडियो पोस्ट गर्दै सामाजिक सञ्जाल बन्द गर्ने तत्कालिन सरकारको निर्णयपछिको परिस्थितीबारे धारणा राखेका छन् ।