अब कांग्रेसको पुनर्गठन गर्नै पर्छ : राजेन्द्र बजगाईं

यस्तो छ बजगाईंको अपिल

देशलाई राष्ट्र बनाउनु छ ।

प्रिय नेपाली कांग्रेसका सहयोद्धा, भरोसायोग्य मतदाताहरू, देशभक्त न्यायप्रेमी दाजुभाई दीदीबहिनीहरू,

आज संसद विघटन भएको छ, आजबाट म सांसद रहिन रहेनौ ।

मैले निरन्तर एकीकृत एकै विनियोजनमा सम्पन्न गर्न सकिने ठुला परियोजना निर्माण गर्न प्रस्ताव गर्दै आएको छु। पर्यटन प्रवर्द्धन, पूर्वाधार विकास, एयरबेस निर्माण, र सैन्य शक्ति सुदृढीकरण मार्फत गोरखालीको पहिचान पुनर्स्थापित संगै  ३/४ घण्टामै ३२ चक्के लरीहरू उत्तर–दक्षिण दौड़ने राजमार्गहरू निर्माणको अठोटको प्रतिबद्धता प्रकट गर्दैआएको छु। सडक सुधारका माध्यमबाट उत्पादन र उद्योगलाई सहज पहुँच दिलाउने, विदेशी वित्तीय संस्थाहरूको आमन्त्रण गर्ने, लगानी प्रवाह सहज बनाउने, र नीतिगत भ्रष्टाचार निवारण गर्ने विषयमा पनि पहल गर्दै आएको छु। यसको विस्तृत विवरण मेरो अभिलेखमा सुरक्षित छ र आवश्यक परे फेरि सार्वजनिक गर्नेछु।

ईसं ७/०८ को समय  हो जस्तो लाग्छ; सुधारक भाजपा नेता प्रमोद महाजनको पार्टी दुरुस्त निर्माणको योजनाले मेरो दृष्टि खिच्यो। उनले पार्टीका सदस्यहरूको तीन पुस्ताको चालचलन, आर्जन, र पैतृक सम्पत्तिको पूर्ण विवरणहरू सफ्टवेयरमा तस्वीरहरूसमेत ठीक ढंगले राख्दै गरेका थिए। मैले त्यस्तै प्रस्ताव केन्द्रीय कार्यालयमा दर्ता गर्न लागेँ। म सामान्य काँग्रेसले दर्ता गर्न लगेको उक्त योजनालाई , त्यतिबेलाका शक्तिशाली सह–महामन्त्री र एक महिला नेतृले दर्ता गर्न अनुमति दिइनन्। महाजनको पार्टीमा सक्रिय नेता, समर्थक र सत्ता आरोहण गर्नेहरूको सम्पत्तिको लेनदेन अध्ययन गर्ने प्रस्ताव जस्त्तै मैले राखेको उक्त प्रस्ताव बन्द गर्दिए।

अब काँग्रेसको पुनर्गठन गर्नै पर्छ, तर विद्यमान निर्वाचन प्रणालीले पार्टीलाई पूर्ण रूपमा पुनर्ताजगीकरण गर्न सक्दैन । नयाँ उदाउन खोजेका पार्टीहरूमा अन्यदलसहित काँग्रेसबाट विकर्षित युवा धेरै भए पनि उनीहरूमा राष्ट्रनिर्माणको निश्चित खाका छैन । काँग्रेसको पुनर्गठनको स्पष्ट खाका म निरन्तर प्रस्तुत गर्दै आएको छु। पार्टीमा दर्ज भएका केहि राजनीतिककर्मीहरूको उत्थानका लागि म आम समर्थकको बलमा निकै ठुलो समर्पणका साथ संगै दौडाउन तयार छु। तर मलाई बिर्सिने छैन भन्ने सर्तमा एउटा कुरा सार्वजनिक गर्न मन लाग्यो: सङ्ख्याको बलमा संसदमा हुने गठबन्धन, चुनावमा निहित नेताको क्षेत्रमा दलबाट एक्लै आशिर्वाद प्राप्त गर्नु, र पछिल्ला समयमा प्रतिस्पर्धी दलसँग भइरहेको अनैतिक/अनाथ्य (गलजयथि) सहकार्यले समर्थकलाई निरन्तर विकर्षित गराईराख्यो— यी सबै पक्षबाट भइरहेको प्रवृत्ति अब रोकियोस्। यही मेरो चाहना हो।

पार्टी समर्थकहरूलाई  कार्यकर्ता भन्न बन्द गर्नुपर्छ। पार्टीको गुटबन्धीहरूले प्रतिस्पर्धालाई निरन्तर अघि बढाउँछ, तर त्यो स्वस्थ छैन। पार्टीले पछिल्लो समयमा भएका सबै गठबन्धनहरू तोड्दै, राष्ट्रनिर्माणको गठबन्धनको नौलो रणनीति आत्मसात गर्नै पर्छ। हाम्रो मौलिकता, संस्कृति र सभ्यतासँग अनुकूल हुने गरी देशका Allies सँगको विश्वास उठाउनुपर्छ। फेरी उठाउनु पर्छ, तर एकताले मात्र सम्भव छ। समग्र रूपमा देशको रक्षा शक्ति बलियो बनाउन काँग्रेस सक्षम हुनुपर्छ। अन्यथा, यदि पुनर्गठन भएन भने देशलाई उठाउने कुनै पनि कदम केवल अक्षरमै सीमित हुनेछ।

सुरुवातको आन्दोलन सेप्टेम्बर ९ मा सुरु भयो। एकदिन अगावै यसको अनुमान गर्न सकिन्थ्यो, र मेरो संसदबाट राजीनामा दिने निर्णय साँझ ८ सेप्टेम्बरमै घोषणा गरिसके थिएँ। यस कदममा सरकारको गठबन्धन पार्टीको मात्र नभएर संसदको म मात्र एक सांसद थिएँ, र अरू कसैले यसो गरिसकेको थिएन पछिल्लो समय ९ सप्टेम्बरमा राप्रपा रास्वपाको घोषणा आईरहे र संसद कायम राख्ने मागमा फÞर्किरहे।

सेप्टेम्बर ९ मा, युवाहरूको पक्षमा मेरो सार्वजनिक समर्थन र निर्दोषमाथि हिंसा गर्न नहुने दृढ विश्वासका बावजुद, मेरो होटलमा तोडफोड भयो। प्रहरीले पहिल्यै जानकारी दियो कि मेरो नाम विशेष रूपमा लक्षित गरिएको थिएन, यद्यपि मेरो स्थान प्रधानमन्त्रीको निवास नजिकै थियो र सूचना अनुरूप तोडफोड आगजनी तिब्र हुदैगर्दा केहि क्बमष्कत प्रतिशोधीहरूले आन्दोलनकारीलाई मेरो होटल आगजनी गर्न सामाजिक संजालमा सन्देश पठाईरहेका थिए र अपराह्न ३ बजे आगजनी गरियो। सम्पत्तिको केही भागमा आगो लागेको थियो। क्षति महत्वपूर्ण भए पनि म यसलाई जिम्मेवारपूर्वक पुन:निर्माण गर्ने योजना बनाएको छु, यथासम्भव परियोजना निरन्तरता सुनिश्चित गर्ने प्रयास गर्छु।

पूर्व प्रधानन्यायाधीश शुशीला कार्की अहिले प्रधानमन्त्रीका रूपमा स्वीकार गरिएको छ र संसद विघटन भैसकेको छ। यसैले मेरो राजीनामाले सार्वजनिक जीवनमा रहने मानिसको निर्णय क्षमता अभिवृद्धि गर्न प्रेरित गर्न सक्छ सक्दैन त्यो म भन्न सक्दिन तर म मेरो देशको सेवा गर्न सदैव प्रतिबद्ध छु र सक्दो योगदान पुर्‍याउने प्रतिबद्धता राख्छु। म स्मरण गर्छु, राष्ट्र निर्माता पृथ्वीनारायण शाहले देशलाई हतियारमा आत्मनिर्भर गराएको र जंगबहादुर कुँवरहरूले भोट फत्ते गर्न एकैपटक १४/१४ हजार सेना, हतियार र जाडोयामको पोशाक ध्ष्लतभच न्भबच मनोहरामा गर्दै मुलुकलाई सुरक्षित राखेका थिए। आजको परिस्थितिमा नेपाली सेना, नेपाल प्रहरी र सशस्त्र प्रहरी बलले संयुक्त रूपमा ‘पुनर्निर्माण बटालियन’ गठन गर्नु अति आवश्यक छ। देशकै कच्चापदार्थले नेपाली घरहरू कार्यालयहरूको पुनर्निर्माण भए स्वदेशी पैसा खैंचिन सकिन्छ यो विषय परिवर्तनकारीको मानसपटलको पठाईन म अनुरोध गर्दछु।

जेनजीबिद्रोहको परिणामस्वरूप आज जनताको सर्वोच्च प्रतिनिधित्व रहेको संसद भंग भएको छ, यसका पछाडि भ्रष्टाचार निवारण, छानविन आयोग र सुशासन तैनाथ छन्। पूर्व प्रधानन्यायाधीश सुशीला कार्की अन्तरिम प्रधानमन्त्री नियुक्त हुनुभएको छ। उहाँको नेतृत्वले जनताप्को लोकतन्त्रका सबै समस्याहरूलाई समाधान गर्दै देशको सर्वाङ्गीण विकासका लागि आफ्ना कार्यभार पूरा गर्नु पर्नेछ।

ध्वंस पछिको पुनर्निर्माण र कानूनी शासनको प्रत्याभूति हाम्रा अनिवार्य शर्त हुन्। मैले यत्ति भन्न चाहन्छु कि लोकतन्त्रमा कुनै सम्झौता हुनेछैन।

प्रथम महिला प्रधानमन्त्री सुशीला कार्कीलाई कार्यकाल सफलताको शुभकामना व्यक्त गर्दछु।

जय नेपाल !