न्यूयोर्क फेसन विकमा ‘राल्फ लरेन’को पहिरनमा देखिए प्रियंका-निक (तस्वीर)

News Summary

Generated by OK AI. Editorially reviewed.

अभिनेत्री प्रियंका चोपडा र उनका गायक पति निक जोनसले सेप्टेम्बर १० मा न्यूयोर्क फेसन विकमा राल्फ लरेनको पोशाकमा सहभागी भएर सबैको ध्यान खिचेका छन्।
प्रियंकाले पति निकसँग पोज दिँदै पापाराजीलाई 'नमस्ते' भनेकी छिन् र उनको यो शैली भाइरल भएको छ।
यी दम्पतीको प्रेमकथा सन् २०१७ को मेट गालाबाट सुरु भएर २०१८ मा इन्गेजमेन्ट र गतवर्ष भारतमा विवाह गरी मालती नामकी छोरी छिन्।

न्यूयोर्क । अभिनेत्री प्रियंका चोपडा र उनका गायक पति निक जोनसले न्यूयोर्क फेसन विकमा भाग लिए । यो जोडी केवल फेसन शोको हिस्सा मात्र बनेन, दम्पतीबीचको हार्दिक सम्बन्धको सन्देश पनि दिए ।

सेप्टेम्बर १० मा यो जोडीले राल्फ लरेनको पोशाकमा आफूलाई पेश गरे । उनीहरूले सबैको ध्यान खिचे । दुवैले खैरो रङको पहिरन लगाएका थिए । उनीहरूको यो भिडियो भाइरल बनिरहेको छ ।

भिडियोमा प्रियंकालाई पति निकसँग पोज दिइरहेको देखिएको छ । त्यहाँबाट निस्कनुअघि उनले पापाराजीलाई ‘नमस्ते’ भन्छिन् । उनको यो शैली लोकप्रिय भएको छ । भिडियो भाइरल छ ।

प्रियंका र निकको प्रेमकथा सबैलाई थाहा छ । यी दुईको पहिलो भेट सन् २०१७ मा मेट गालामा भएको थियो । त्यसपछि यी दुईको भेटघाटले प्रेमको रुप लियो ।

जुलाई २०१८ मा उनीहरूले ग्रीसमा इन्गेजमेन्ट गरे । गतवर्षको डिसेम्बरमा भारतमा विवाह भयो । उनीहरूको मालती नामकी एक प्यारी छोरी छिन्, जसको जन्म सरोगेसीमार्फत भएको थियो ।

सेप्टेम्बर ११ देखि सुरु भएको यसवर्षको न्यूयोर्क फेसन विक मंगलबारसम्म चल्नेछ ।