सीजीले ल्यायो ‘दशैंतिहारको ठूलो हर्ष, क्रोम्प्टनको आकर्षक उपहार’ अफर

News Summary

Generated by OK AI. Editorially reviewed.

सीजी इलेक्ट्रोनिक्सले दशैंतिहार लक्षित गर्दै क्रोम्प्टनको ‘दशैंतिहारको ठूलो हर्ष’ अफर सार्वजनिक गरेको छ।
अफर अन्तर्गत बम्पर लक्की ड्रमार्फत विजेताले माइडियाको ४८२ लिटर साइड बाई साइड फ्रिज जित्ने अवसर पाउनेछन्।
ग्राहकले मासिक किस्ता भुक्तानी, निःशुल्क वितरण, जडान र ६० महिनासम्मको प्रत्याभूति सुविधा पाउनेछन्।

२२ असोज, काठमाडौं । सीजी इलेक्ट्रोनिक्सले दशैंतिहार लक्षित गर्दै क्रोम्प्टनको ‘दशैंतिहारको ठूलो हर्ष’ अफर सार्वजनिक गरेको छ ।

यस विशेष अफर मार्फत क्रोम्प्टनका उत्पादन खरिद गर्ने उपभोक्तालाई आकर्षक उपहार तथा भाग्यशाली पुरस्कार जित्ने अवसर मिल्ने छ ।

अफर अन्तर्गत बम्पर लक्की ड्रमार्फत विजेताले माइडिया कम्पनीको ४ सय ८२ लिटरको साइड बाई साइड फ्रिज जित्ने अवसर पाउनेछन् ।

प्रत्येक महिना एक जना विजेताले माइडिया १०० सिरिजको ८ किलो क्षमताको वासिङ मेसिन प्राप्त गर्नेछन् ।

प्रत्येक साता एक जना विजेताले क्रोम्प्टनको मिक्स्चर ग्राइन्डर जित्न सक्नेछन् ।

यस अतिरिक्त ग्राहकले थप विशेष लाभ पनि प्राप्त गर्न सक्नेछन् । जसमा सजिलो मासिक किस्ता भुक्तानी सुविधा, खरिद गरिएको सामानको निःशुल्क वितरण र निःशुल्क जडान सुविधा उपलब्ध गराइने छ ।

साथै, ग्राहकहरूले खरिद गरेका उत्पादनमा ६० महिनासम्मको प्रत्याभूति (उत्पादन अनुसार) को सुविधा पनि पाउनेछन् ।

यस योजनामा सहभागी हुन ग्राहकले उत्पादन खरिद गरेपछि उपलब्ध क्यूआर कोड स्क्यान गरी आफ्नो विवरण दर्ता गरी यस योजनामा सहभागी हुन सक्नेछन् ।