अनुमतिबिना बेचेको औषधि बरामद

News Summary

Generated by OK AI. Editorially reviewed.

प्रहरी वृत महाराजगञ्जले टोखा नगरपालिका–५ बसुन्धरामा रहेको तक्षक फार्मेसीमा मापदण्ड विपरीत बिक्री वितरण गर्ने औषधि बरामद गरेको छ।
बरामद औषधिमा स्पेन लेखिएको ३८५ ट्याबलेट, एन्टिकोफ लेखिएको ७५० ट्याबलेट, प्रिगेबलिन १०० ट्याबलेट, प्रिगेबलिन क्याप्सुल एलपी २०० क्याप्सुल र प्रिगेमर ७५ का १०० क्याप्सुल छन्।
फार्मेसी सञ्चालक प्रकाश गौतम सङ्खुवासभा खादवारी नगरपालिका–८ का ४० वर्षीय व्यक्ति हुन् र औषधि व्यवस्था विभागसँग समन्वय गर्दा मापदण्ड विपरीत बिक्री पुष्टि भएको छ।

७ कात्तिक, काठमाडौँ। प्रहरी वृत महाराजगञ्जको टोलीले मापदण्ड विपरीत बिक्री वितरण गर्ने गरेको औषधि बरामद गरेको छ ।

काठमाडौँ टोखा नगरपालिका–५ बसुन्धरामा रहेको तक्षक फार्मेसीमा चिकित्सकको अनुमतिले बिक्री वितरण गर्नुपर्ने औषधि मापदण्ड विपरीत बिक्री बितरण गरेको भन्ने सूचनाका आधारमा औषधि बरामद गरिएको वृत्तमहाराजगञ्जका प्रहरी निरीक्षक लक्ष्मण देवकोटाले जानकारी दिए ।

उनका अनुसार स्पेन लेखिएको ३८५ ट्याबलेट, एन्टिकोफ लेखिएको ७५० ट्याबलेट, प्रिगेबलिन लेखिएको १०० ट्याबलेट प्रिगेबलिन क्याप्सुल एलपी लेखिएको २०० क्याप्सुल र प्रिगेमर ७५ लेखिएको १०० क्याप्सुल बरामद समेत गरेको छ ।

उनका अनुसार उक्त फार्मेसी सङ्खुवासभा खादवारी नगरपालिका–८ का ४० वर्षीय प्रकाश गौतम समेतले सञ्चालन गरेको पाइएको र औषधि व्यवस्था विभागसँग समन्वय गर्दा मापदण्ड विपरीत बिक्री गरिएको पाइएको छ ।