‘मिस अर्थ’ को ट्यालेन्ट राउन्डमा नेपाललाई स्वर्ण पदक

News Summary

Generated by OK AI. Editorially reviewed.

फिलिपिन्समा जारी मिस अर्थ २०२५ को ट्यालेन्ट राउण्डमा नेपालकी सोनी घलेले स्वर्ण पदक जितेकी छन्।
मिस अर्थको अफिसियल इन्स्टाग्रामले सोनीलाई गोल्ड मेडल जितेर पहिलो स्थान हासिल गरेको जानकारी दिएको छ।
प्रतियोगिता फिलिपिन्सको मनिलामा ‘द सिल्भर लाइनिङ’ थिममा भइरहेको छ र विजेता ५ नोभेम्बरमा घोषणा गरिनेछ।

काठमाडौं । फिलिपिन्समा जारी सौन्दर्य प्रतियोगिता ‘मिस अर्थ २०२५’को ट्यालेन्ट राउन्डमा नेपालले स्वर्ण पदक जितेको छ ।

मिस नेपाल अर्थ सोनी घलेले प्रतियोगितामा मुलुकको प्रतिनिधित्व गरिरहेकी छिन् । मिस अर्थले अफिसियल इन्स्टाग्राम पृष्ठबाट यसबारे जानकारी दिएको छ ।

बधाइ दिँदै लेखिएको छ, ‘मिस अर्थको ट्यालेन्ट प्रतिस्पर्धामा नेपालकी सोनी घलेले गोल्ड मेडल जित्दै पहिलो स्थान हासिल गरेकी छन् । बधाई छ सोनी, तिमीले नेपाललाई गर्विलो तुल्याएकी छौ ।’

जितसँगै सोनीलाई बधाईको ओइरो लागेको छ । सेयर गरिएका भिडियोमा पनि उनलाई बधाई दिइरहेको देख्न सकिन्छ ।

मिस नेपाल आयोजक संस्था द हिडन ट्रेजरका निर्देशक प्रमोद कंशाकारका अनुसार सोनीले ट्यालेन्ट राउन्डमा ‘फायर ग्रुप’ बाट प्रतिस्पर्धा गरेकी थिइन् । सहभागीलाई विभिन्न समूहमा विभाजन गरेर प्रतिस्पर्धा गराइएको थियो ।

‘द सिल्भर लाइनिङ’ थिमसहित मिस अर्थको २५ औं संस्करण अहिले फिलिपिन्सको मनिलामा चलिरहेको छ । ५ नोभेम्बरमा विजेता घोषणा गरिनेछ ।