१८ कात्तिक, काठमाडौं । नेपाली कांग्रेस मधेश प्रदेश कार्यसमितिका उपसभापति विरेन्द्र सिंहले पार्टी कार्यालय घेराउ गरेरै भए पनि महाधिवेशन गराएरै छाड्ने दाबी गरेका छन् ।
मंगलबार काठमाडौंको थापागाउँमा आयोजित विशेष भेलामा बोल्ने क्रममा उनले आन्दोलन, अनशन र पार्टी कार्यालय घेराउ नै गरेर भए पनि महाधिवेशन गराएरै छाड्ने जिकिर गरे ।
‘केन्द्रीय समिति बैठकले महाधिवेशन घोषणा नगरे हामी महाधिवेशन घोषणा गराउन बाध्य हुनेछौं,’ उनले भने, ‘आन्दोलन, अनसन र पार्टी कार्यालय घेराउ गरेर भए पनि महाधिवेशन गराउनेछौं ।’
देश विदेशले नेपाली कांग्रेसलाई हेरेको भन्दै उनले कांग्रेसले पार्टीलाई कसरी अघि बढाउँछ भन्ने चासो सबैतिर भएको बताए ।
‘महाधिवेशन गरेर अहिले कांग्रेस सच्चिएको जनताले हेर्न चाहेको छ, आशा लाग्दो नेतृत्व खोजेको छ, आम नेपालीको चाहना छ,’ उनले भने, ‘त्यसकारण चुनाव अघि कांग्रेस सच्चिएर आशालाग्दो फेस लिएर चुनावमा कांग्रेस अघि बढ्नुपर्छ त्यसैले विशेष महाधिवेशन खोजेको छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Balkot")
प्रतिक्रिया 4