माछापुच्छ्रे बैंकको खुद नाफा १६.९ प्रतिशत घट्यो

News Summary

Generated by OK AI. Editorially reviewed.

माछापुच्छ्रे बैंकको चालु आर्थिक वर्षको पहलो त्रैमासिकमा खुद नाफा १६.९५ प्रतिशत घटेर ४१ करोड ७९ लाख रुपैयाँ पुगेको छ।
नाफा घट्नुको मुख्य कारण इम्पेरिमेन्ट चार्ज बढ्नु हो, जुन पहिले ४ करोड 'रिभर्सल' थियो र अहिले ४६ करोड रुपैयाँ छुट्याइएको छ।
बैंकको निष्क्रिय कर्जा कुल कर्जामा ४.१३ प्रतिशत पुगेको छ, जुन पहिले ३.१५ प्रतिशत थियो र खुद ब्याज आम्दानी १.६ प्रतिशत घटेको छ।

२१ कात्तिक, काठमाडौं । माछापुच्छ्रे बैंकको खुद नाफा १६.९५ प्रतिशत घटेको छ ।

बैंकले सार्वजनिक गरेको चालु आर्थिक वर्षको पहलो त्रैमासिक वित्तीय विवरणअनुसार यस अवधिमा खुद नाफा ४१ करोड ७९ लाख रुपैयाँ छ । गत वर्षको यसै अवधिमा यस्तो नाफा ५० करोड ३२ लाख रुपैयाँ थियो ।

नाफा घट्नुको मुख्यः कारण लोन लस प्रोभिजन (इम्पेरिमेन्ट चार्ज) बढ्नु हो । पहिले इम्पेरिमेन्ट चार्ज ४ करोड ‘रिभर्सल’ गरेकोमा अहिले ४६ करोड रुपैयाँ छुट्याइएको छ । जसले गर्दा खुद नाफामा असर परेको हो ।

बैंकको खुद ब्याज आम्दानी १.६ प्रतिशत घटेको छ । यस्तो आम्दानी पहिले १ अर्ब ४८ करोड रुपैयाँ रहेकोमा अहिले १ अर्ब ४५ करोड रुपैयाँ छ । बैंकको वार्षिक प्रतिसेयर आम्दानी १३.८३ रुपैयाँ छ ।

पहिले यस्तो आम्दानी १६.६६ रुपैयाँ थियो । प्रतिसेयर नेटपर्थ १५४.६० रुपैयाँ छ । निष्क्रिय कर्जा बढेको छ । कुल कर्जामा यस्तो कर्जा पहिले ३.१५ प्रतिशत रहेकोमा अहिले ४.१३ छ ।

बैंकको वितरणयोग्य नाफा ११ करोड ४२ लाख रुपैयाँ (प्रतिसेयर ३.७८ रुपैयाँ) ऋणात्मक छ । बजार मूल्य प्रतिकित्ता २१५ रुपैयाँ छ । बैंकको आधार दर एक वर्षको अवधिमा ७.६१ बाट घटेर ५.८१ प्रतिशतमा झरेको छ ।