२०८२ कात्तिक २३ गते ११:०० 
News Summary
Generated by OK AI. Editorially reviewed.- विराटनगर किङ्सले नेपाल प्रिमियर लिग क्रिकेटको दोस्रो संस्करणका लागि नयाँ जर्सी सार्वजनिक गरेको छ।
- नयाँ जर्सीमा सप्तकोशी नदीका सात शाखालाई प्रतीकात्मक रूपमा देखाउने सात रेखाहरू छन्, जसले एकता, शक्ति र गतिशीलता जनाउँछन्।
- एनपीएलको दोस्रो संस्करण मंसिर १ देखि सुरु हुँदैछ र विराटनगरले फाफ डुप्लेसी लगायत विदेशी खेलाडीहरूलाई अनुबन्ध गरेको छ।
२३ कात्तिक, काठमाडौं । नेपाल प्रिमियर लिग (एनपीएल) क्रिकेटको दोस्रो संस्करणका लागि विराटनगर किङ्सले नयाँ जर्सी सार्वजनिक गरेको छ। नयाँ जर्सीले कोशी प्रदेशको गौरव, एकता र समुदायको भावना झल्काएको क्लबले जनाएको छ।
क्लबका अनुसार जर्सीको डिजाइनमा सप्तकोशी नदीका सात शाखालाई प्रतीकात्मक रूपमा देखाउने सात रेखाहरू छन्, जसले एकता, शक्ति र गतिशीलतालाई जनाउँछन्। त्यसैगरी, त्रिकोणीय प्याटर्नले साहस र दृढताको प्रतिनिधित्व गर्छ भने काँधमा रहेको एपाउलेटले नेतृत्व र गर्वको प्रतीक प्रस्तुत गर्छ।
क्लबका अनुसार, ‘द जर्सी: द क्राउन वी अर्न’ भन्ने थिममा तयार गरिएको यो जर्सी केवल खेल पोशाक नभई पहिचान, उत्साह र गर्वको प्रतीक हो। खेलाडीहरूका लागि यो जर्सी कवचजस्तै र समर्थकहरूका लागि आशाको ध्वजाजस्तै रहेको क्लबले बताएको छ।
विराटनगर किङ्स एनपीएलमा कोशी प्रदेशको प्रतिनिधित्व गर्ने फ्रेन्चाइज टोली हो ।
विराटनगरले दक्षिण अफ्रिकाका स्टार ब्याटर फाफ डुप्लेसी सहित स्कटल्यान्डका जर्ज मन्से, अस्ट्रेलियाका साम हिजलेट, न्युजिल्यान्डका मार्टिन गप्टिल र दक्षिण अफ्रिकाका मर्चेन्ट डे लाङलाई विदेशी खेलाडीका रूपमा अनुबन्ध गरेको छ ।
मार्की सन्दीप लामिछानेसहित लोकेश बम, प्रतिश जिसी, बसिर अहमद, नरेन भट्ट र सुवास भण्डारीलाई रिटेन गरेको विराटनगरले अक्सनबाट सूर्य तामाङ, साहिल पटेल र नारायण जोशी अनुबन्ध गर्दा विश लिस्टबाट शर्वन किस्कु र शंकर राना अनुबन्ध गरेको छ ।
एनपीएलको दोस्रो संस्करण मंसिर १ देखि सुरु हुँदैछ ।
प्रतिक्रिया 4