निर्वाचन आयोगलाई प्रधानमन्त्रीले भनिन्- उम्मेदवारको खर्च घटाउने व्यवस्था गर्नू

News Summary

Generated by OK AI. Editorially reviewed.

प्रधानमन्त्री सुशीला कार्कीले निर्वाचन आयोगलाई उम्मेदवारको खर्च घटाउने व्यवस्था गर्न आग्रह गरेकी छन्।
प्रधानमन्त्री कार्कीले मतदाताको सहजताका लागि अन्तरजिल्ला मतदानको व्यवस्था सम्भव छ कि छैन भनेर आयोगलाई सोधिन्।
निर्वाचन आयोगले आचारसंहिताको मस्यौदा सबै दललाई पठाइसकेको र पुन: छलफल गर्ने तयारीमा रहेको जानकारी दिएको छ।

२४ कात्तिक, काठमाडौं । प्रधानमन्त्री सुशीला कार्कीले उम्मेदवारको खर्च घटाउने व्यवस्था गर्न निर्वाचन आयोगलाई आग्रह गरेकी छन् ।

प्रधानमन्त्री सुशीला कार्कीले बुधबार आगामी निर्वाचनको तयारीका विषयमा निर्वाचन आयोगका पदाधिकारीहरूसँग छलफल गरेकी छन् ।

प्रधानमन्त्री निवास वालुवाटारमा भएको छलफलमा आयोगले निर्वाचन आचारसंहिताको मस्यौदा सुझावका लागि सबै दललाई पठाइसकिएको जानकारी दिएको थियो । साथै अब निर्वाचन कार्यक्रम समेत प्रकाशन गर्न लागेको बताएको छ ।

आचारसंहिताको मस्यौदा लगायतका विषयमा राजनीतिक दलहरूसँग पुन: छलफल गर्ने तयारी रहेको समेत आयोगले प्रधानमन्त्रीलाई जानकारी गराएको छ ।

त्यसपछि प्रधानमन्त्री कार्कीले निर्वाचनमा उम्मेदवारको खर्च घटाउने व्यवस्था गर्न भनेकी हुन् ।

साथै, मतदाताको सहजताका लागि अन्तरजिल्ला मतदानको व्यवस्था गर्न कति सम्भव छ भनेर समेत आयोगका अधिकारीहरू समक्ष प्रधानमन्त्री कार्कीले चासो राखेकी छन् ।