नबिल बैंकको ३० लाख कित्ता ऋणपत्र सूचीकृत

News Summary

Generated by OK AI. Editorially reviewed.

नबिल बैंकको ‘७ प्रतिशत नबिल डिबेन्चर २०८९’ नामक आठ वर्षे ऋणपत्र नेप्सेमा सूचीकृत भएको छ।
ऋणपत्रको वार्षिक ब्याजदर ७ प्रतिशत र अंकित मूल्य १ हजार रहेको छ।
नबिल बैंकले २५ लाखभन्दा बढी सेवाग्राहीलाई २६८ शाखा र ३२१ एटीएममार्फत सेवा प्रदान गर्दै आएको छ।

२७ कात्तिक, काठमाडौं । नबिल बैंकको ‘७ प्रतिशत नबिल डिबेन्चर २०८९’ नामक ऋणपत्र नेप्सेमा सूचीकृत भएको छ । नबिल बैंकका प्रमुख कार्यकारी अधिकृत मनोजकुमार ज्ञवाली र नेप्सेका प्रमुख कार्यकारी अधिकृत चुडामणी चापागाईंले सूचीकरण सम्बन्धी सम्झौतामा हस्ताक्षर गरेका थिए ।

आठ वर्षे अवधिको ऋणपत्रमा वार्षिक ७ प्रतिशत ब्याजदर पाइनेछ । १ हजार अंकित मूल्यका दरले ३० लाख कित्ताले हुन आउने ३ अर्ब बराबरको यस ऋणपत्र दोस्रो बजारमा बिहीबारदेखि कारोबार सुरु भएको बैंकले जानकारी दिएको छ । ऋणपत्र रजिष्ट्रार सेवासम्बन्धी काम नबिल इन्भेष्टमेन्ट बैंकिङ लिमिटेडले गर्नेछ ।

नबिल बैंकले २५ लाखभन्दा बढी सेवाग्राहीलाई देशभरीका २६८ शाखा र ३२१ एटीएममार्फत सेवा प्रदान गर्दै आएको छ । विगत चार दशकदेखि नबिल बैंकले नेपाली बैंकिङ क्षेत्रका नवीनतम सेवामा महत्त्वपूर्ण भूमिका निर्वाह गर्दै आएको छ ।