सुजुकी मोटरसाइकल भी स्ट्रोम एसएक्सका नयाँ भेरियन्ट सार्वजनिक

News Summary

Generated by OK AI. Editorially reviewed.

सुजुकी मोटरसाइकल नेपालले भी स्ट्रोम एसएक्सका दुई नयाँ रङका भेरियन्ट सार्वजनिक गरेको छ।
भी स्ट्रोम एसएक्स २५० सीसी जापानी एड्भेन्चर मोटरसाइकल हो जसले करिब ४० केएमपीएल माइलेज दिने दाबी गरेको छ।
सुजुकीले भन्यो, 'यो मोटरसाइकल हल्का अफ–रोड, ग्राभेल तथा असमान बाटो सजिलै सामना गर्न सक्छ' र लामो यात्रामा आरामदायी अनुभव दिने छ।

११ मंसिर, काठमाडौं । सुजुकी मोटरसाइकल नेपालले लोकप्रिय एड्भेन्चर मोटरसाइकल भी स्ट्रोम एसएक्सका दुई नयाँ रङका भेरियन्ट सार्वजनिक गरेको छ ।

पर्ल फ्रेस ब्लु तथा ग्लास स्पार्कल ब्ल्याक र पर्ल ग्लेसियर ह्वाइट तथा मेटालिक म्याट स्टेलर ब्लु रङमा यी मोटरसाइकल सार्वजनिक भएका छन् ।

यो सबैभन्दा किफायती २५० सीसी जापानी एड्भेन्चर मोटरसाइकल हो, जसले मिश्रित सडक अवस्थामा करिब ४० केएमपीएलको प्रभावशाली माइलेज प्रदान गर्ने सुजुकीको दाबी छ । ‘यो मोटरसाइकल बहुउपयोगिता लक्षित गरी निर्माण गरिएको हो, जसले हल्का अफ–रोड, ग्राभेल तथा असमान बाटो सजिलै सामना गर्न सक्छ’ सुजुकीले भनेको छ ।

सानो सिट र अत्यधिक लामो सस्पेन्सन भएका शुद्ध अफ–रोड मोटरसाइकलहरूले राजमार्गमा झट्का दिने तथा असहज अनुभव दिने भए पनि, भी स्ट्रोमले उत्कृष्ट स्थिरता र लामो यात्रामा आरामदायी अनुभव प्रदान गर्ने कम्पनीले जनाएको छ।

शहरदेखि लामो यात्रासम्म नेपालका विविध सडक अवस्थामा पनि उपयोगी हुने कम्पनीको भनाइ छ ।