लोक तथा दोहोरी गीत प्रतिष्ठान बागमती प्रदेशद्वारा चितवनलाई उत्कृष्ट जिल्लाको सम्मान

News Summary

Generated by OK AI. Editorially reviewed.

राष्ट्रिय लोक तथा दोहोरी गीत प्रतिष्ठानअन्तर्गत बागमती प्रदेशले चितवनलाई उत्कृष्ट जिल्ला घोषणा गरेको छ।
सातौँ वार्षिक साधारण सभा तथा तेस्रो प्रदेश अधिवेशनले उत्कृष्ट कार्यसम्पादन र सङ्गठनात्मक सक्रियताका आधारमा चितवनलाई सम्मान गरेको हो।
चितवन शाखाले सांस्कृतिक संरक्षण र प्रतिभा विकासमा निरन्तर सक्रियता देखाएको हुँदा बागमती प्रदेशले उच्च मूल्याङ्कन गरेको सचिव रोबिन सुवेदीले बताउनुभयो।

काठमाडौँ । राष्ट्रिय लोक तथा दोहोरी गीत प्रतिष्ठानअन्तर्गत बागमती प्रदेशले चितवनलाई उत्कृष्ट जिल्ला घोषणा गरेको छ । संस्थाको सातौँ वार्षिक साधारण सभा तथा तेस्रो प्रदेश अधिवेशनले उक्त घोषणा गर्‍यो ।

प्रदेशअन्तर्गतका जिल्लामध्ये उत्कृष्ट कार्यसम्पादन, सङ्गठनात्मक सक्रियता र योगदानका आधारमा चितवन जिल्ला कार्यसमितिलाई यस वर्षको उत्कृष्ट जिल्लाको रूपमा सम्मान गरिएको हो ।

अधिवेशनमा चितवनबाटसंस्थाका अध्यक्ष वसन्त लामा, सचिव रोबिन सुवेदी, कोषाध्यक्ष भूमिराज घिमिरे सहभागी थिए ।

चितवन शाखाले निरन्तर सांस्कृतिक संरक्षण, प्रतिभा विकास र संस्थागत सक्रियतामार्फत प्रदेशभर सकारात्मक पहिचान बनाउँदै आएको हुँदा बागमती प्रदेशले उच्च मूल्याङ्कन गर्दै ‘उत्कृष्ट जिल्ला’ उपाधि प्रदान गरेको सचिव सुवेदीले जानकारी दिए ।