‘फोटोनेपाल’ प्रदर्शनीमा ३५ ड्रोन तस्वीर

News Summary

Generated by OK AI. Editorially reviewed.

नेपाल पर्यटन बोर्डमा 'फोटोनेपाल' प्रदर्शनी 'एक्स्प्लोर अनएक्स्प्लोर्ड' ११ पुसदेखि १३ पुससम्म सञ्चालन हुँदैछ।
प्रदर्शनीमा नवीनबाबु गुरुङका ३५ ड्रोन तस्वीर राखिएका छन् जसले कम चिनिएका गन्तव्य र सांस्कृतिक स्थान देखाउँछन्।
पर्यटन बोर्डका सीईओ दीपकराज जोशीले फोटोग्राफीले धारणा निर्माण गर्ने शक्ति राख्ने र नयाँ गन्तव्य अन्वेषणमा प्रेरित गर्ने बताए।

११ पुस, काठमाडौं । नेपाल पर्यटन बोर्डमा ‘फोटोनेपाल’ प्रदर्शनी ‘एक्स्प्लोर अनएक्स्प्लोर्ड’ शुक्रबारदेखि सुरु भएको छ ।

प्रदर्शनीमा नवीनबाबु गुरुङका फोटो राखिएको बोर्डले जनाएको छ । यस पटक नेपालका कम चिनिएका गन्तव्य, प्राकृतिक दृश्य र सांस्कृतिक स्थानका दृश्य कथा प्रस्तुत गरिएको छ ।

प्रदर्शनीमा नेपालका विभिन्न स्थानबाट लिइएका ३५ ड्रोन तस्वीर प्रदर्शनमा राखिएका छन् । कम परिचित तथा उदाउँदो गन्तव्यलाई प्रकाशमा ल्याउने उद्देश्य राखिएको बोर्डले जनाएको छ । प्रदर्शनी १३ पुसम्म चल्ने छ ।

उद्घाटनमा पर्यटन बोर्डका प्रमुख कार्यकारी अधिकृत (सीईओ) दीपकराज जोशीले फोटोग्राफीले जिज्ञासा जगाउने र धारणा निर्माण गर्ने शक्ति राख्ने बताए ।

फोटोनेपाल जस्ता पहल मार्फत नेपाललाई परिचित प्रतीकभन्दा बाहिर प्रस्तुत गर्न र यात्रुलाई नयाँ गन्तव्य अन्वेषण गर्न प्रेरित गर्ने लक्ष्य राखिएको उनले बताए ।

१५ वर्षभन्दा बढी पेसागत अनुभव भएका फोटोग्राफर गुरुङ फोटो पत्रकारिता र डकुमेन्ट्रीमा काम गर्दै आएका छन् । बोर्डले सन् २०१६ फोटोनेपाल प्रदर्शनी अभियान गर्दै आएको छ ।