बन्दसूची बुझाउन जसपा नेपाल पुग्यो आयोग

News Summary

Generated by OK AI. Editorially reviewed.

निर्वाचन आयोगमा समानुपातिकतर्फको बन्दसूची बुझाउने अन्तिम दिनमा पाँच दलहरूले आफ्नो सूची बुझाइसकेका छन्।
नेपाल मजदुर किसान पार्टी र राष्ट्रिय जनमोर्चाले १ सय १० जनाको सूची आयोगमा बुझाएका छन्।
जनप्रिय लोकतान्त्रिक पार्टी र नेपाल लोकतान्त्रिक पार्टीले १२-१२, कम्युनिस्ट पार्टी मार्क्सवादीले २० जनाको सूची बुझाएको छ।

१४ पुस, काठमाडौं । निर्वाचन आयोगमा समानुपातिकतर्फको बन्दसूची बुझाउन दलहरू निर्वाचन आयोग पुग्न थालेका छन् ।

२१ फागुनमा हुने प्रतिनिधिसभा निर्वाचनका लागि आयोगमा बन्दसूची बुझाउने आज अन्तिम दिन हो । भर्खरै जनता समाजवादी पार्टी (जसपा) नेपालका नेताहरू बन्दसूची लिएर आयोग पुगेका हुन् ।

अधिकांश दलहरू आ–आफ्ना उम्मेदवारहरूको सूची तयार गर्ने अन्तिम गृहकार्यमा छन् । यसैबीच, आयोग परिसरमा नेपाली कांग्रेसका नेताहरू पनि पुगेका छन् ।

आयोगमा अहिलेसम्म बन्दसूची बुझाउने दलको संख्या ५ पुगेको छ । आयोगले दिएको सूचना अनुसार, हालसम्म नेपाल मजदुर किसान पार्टी, राष्ट्रिय जनमोर्चा पार्टी, नेपाल लोकतान्त्रिक पार्टी, जनप्रिय लोकतान्त्रिक पार्टी र नेपाली कम्युनिस्ट पार्टी मार्क्सवादी (पुष्पलाल) ले बन्द सूची बुझाइसकेका छन् ।

नेमकिपा र राष्ट्रिय जनमोर्चाले १ सय १० जनाको सूची बुझाएको छ । नेपाल लोकतान्त्रिक पार्टीले १२, जनप्रिय लोकतान्त्रिक पार्टीले १२ र नेपाली कम्युनिस्ट पार्टी मार्क्सवादी (पुष्पलाल) ले २० जना उम्मेदवारको सूची आयोगमा बुझाएको हो ।