मेवाको भाउ घट्यो, प्रतिकिलो कति ?

News Summary

Generated by OK AI. Editorially reviewed.

कालीमाटी फलफूल तथा तरकारी बजार विकास समितिको तथ्यांक अनुसार स्थानीय बजारमा नेपाली मेवाको भाउ प्रतिकिलो औसत २० रुपैयाँले घटेको छ।
बुधबार नेपाली मेवा थोकमा न्यूनतम ८० देखि अधिकतम ९० रुपैयाँमा किनबेच भएको थियो भने बिहीबार न्यूनतम ६० देखि अधिकतम ७० रुपैयाँमा किनबेच भइरहेको छ।
भारतीय मेवाको भाउ भने स्थिर रहेको छ र प्रतिकिलो थोकमा न्यूनतम ९० देखि अधिकतम १ सय १० रुपैयाँमा किनबेच भइरहेको छ।

२४ पुस, काठमाडौं । स्थानीय बजारमा मेवाको भाउ घटेको छ । कालीमाटी फलफूल तथा तरकारी बजार विकास समितिको तथ्यांकले बिहीबार मेवाको भाउ घटेको देखाएको हो ।

बजारमा नेपाली र भारतीय गरी दुई थरी मेवा किन्न पाइन्छ । आज नेपाली मेवाको भाउ प्रतिकिलो थोकमा औसत २० रुपैयाँ घटेको छ ।

हिजो बुधबार बजारमा नेपाली मेवा प्रतिकिलो थोकमा न्यूनतम ८० देखि अधिकतम ९० र औसत ८५ रुपैयाँमा किनबेच भएको थियो । आज बिहीबार भने मेवा न्यूनतम ६० देखि अधिकतम ७० र औसत ६५ रुपैयाँमा किनबेच भइरहेको छ ।

यस्तै भारतीय मेवाको भाउ भने स्थिर छ । भारतीय मेवा प्रतिकिलो थोकमा न्यूनतम ९० देखि अधिकतम १ सय १० र ओसत १ सय रुपैयाँमा किनबेच भइरहेको तथ्यांकले देखाउँछ ।