भेनेजुएलाले तेल बेचेको पैसाले अमेरिकी सामान मात्र खरिद गर्नेछ : ट्रम्प

News Summary

Generated by OK AI. Editorially reviewed.

अमेरिकी राष्ट्रपति डोनाल्ड ट्रम्पले भेनेजुएलाले तेल बिक्रीबाट प्राप्त रकमले अमेरिकी सामान मात्र खरिद गर्नुपर्ने बताएका छन्।
ट्रम्पले भेनेजुएलाले अमेरिकी कृषि उपज, औषधि, मेडिकल उपकरण र ऊर्जा सुधारका मेसिन खरिद गर्ने उल्लेख गरेका छन्।
अमेरिकाले भेनेजुएलाका राष्ट्रपति निकोलस मदुरो र उनकी पत्नीलाई लागुऔषध तस्करी आरोपमा गिरफ्तार गरेको थियो।

२४ पुस, काठमाडौं । अमेरिकी राष्ट्रपति डोनाल्ड ट्रम्पले तेल बिक्रीको पैसाले भेनेजुएलाले अमेरिकी सामान मात्र खरिद गर्नु पर्ने बताएका छन् ।

आफ्नै सामाजिक सञ्जाल ट्रुथ सोसलमा लेख्दै ट्रम्पले तेलको बिक्रीको पैसा भेनेजुएलाले अमेरिकी सामानमा मात्र खर्च गर्न पाउने बताएका हुन् ।

ट्रम्पले लेखेका छन्, ‘मलाई जानकारी प्राप्त भएको छ कि भेनेजुएलाले तेल बिक्रीबाट प्राप्त रकमले अमेरिकामा बनेका सामान नै खरिद गर्नेछ ।’

‘यस्ता खरिदमा अमेरिकी कृषि उपज, औषधि, मेडिकल उपकरण र भेनेजुएलाको विद्युत् ग्रिड र ऊर्जा केन्द्रको सुधारका लागि प्रयोग हुने मेसिन सामेल हुनेछन्,’ ट्रम्पले थप लेखेका छन् ।

राष्ट्रपति ट्रम्पले भेनेजुएला अब अमेरिकाको मुख्य व्यापारिक साझेदार बन्न प्रतिबद्ध रहेको समेत दाबी गरेका छन् ।

‘यो समझदारीपूर्ण निर्णय भेनेजुएला र अमेरिकाका साथै दुवै देशका नागरिकलाई पनि निकै राम्रो कुरा हो,’ उनले भनेका छन् ।

अमेरिकाले गत शनिबार भेनेजुएलाका राष्ट्रपति निकोलस मदुरो र उनकी पत्नी सिलिया फ्लोरेसलाई लागुऔषध तस्करीलाई वैधता दिएको आरोप लगाउँदै राजधानी काराकासबाटै गिरफ्तार गरेको थियो ।

त्यसपछि उपराष्ट्रपति डेल्सी रोड्रिगेजलाई भेनेजुएलाको कार्यवाहक राष्ट्रपति बनाइएको छ ।