एससीटीले सुरु गर्‍यो ‘माइ कार्ड’ सेवा

News Summary

Generated by OK AI. Editorially reviewed.

स्मार्ट च्वाइस टेक्नोलोजिज लिमिटेडले 'माइ कार्ड' नाममा व्यक्तिगत कार्ड सेवा सुरु गरेको छ।
नेपाल राष्ट्र बैंकबाट अनुमति प्राप्त एससीटीले बैंक तथा वित्तीय संस्थाका ग्राहकलाई फोटो सहित डेबिट कार्ड उपलब्ध गराउनेछ।
यो सेवा हाल आईसीएफसी फाइनान्सबाट सुरु गरिएको छ र भविष्यमा भिजा तथा नेपालपे स्किममा विस्तार गरिनेछ।

२४ पुस, काठमाडौं । स्मार्ट च्वाइस टेक्नोलोजिज लिमिटेड (एससीटी)ले ‘माइ कार्ड’ नाममा कार्ड सेवा थालेको छ ।

व्यक्तिगत कार्ड सेवा औपचारिक रूपमा सुरु भएको कम्पनीले जनाएको छ । नेपाल राष्ट्र बैंकबाट भुक्तानी प्रणाली सञ्चालकको अनुमति प्राप्त एससीटीले यस सेवामार्फत एससीटी नेटवर्क अन्तर्गतका बैंक तथा वित्तीय संस्थाका ग्राहकलाई आफ्नो इच्छाअनुसार फोटो राखेर एससीटी युनियन पे डेबिट कार्ड उपलब्ध गराउनेछ ।

हाल आईसीएफसी फाइनान्सबाट सुरु गरिएको यो सेवा भविष्यमा बैंक तथा वित्तीय संस्थाको रुचीअनुसार भिजा तथा नेपालपे स्किममा पनि विस्तार गरिने एससीटीले जनाएको छ ।

एससीटीले हाल २३ वटा बैंक तथा वित्तीय संस्था तथा १०० भन्दा बढी सहकारी संस्थामार्फत एससीटी युनियन पे कार्ड जारी गर्दै आइरहेको छ ।

एससीटीले आफ्नै कार्ड स्विचिङ संरचना स्मार्ट स्वीचमार्फत एससीटी युनियन पे कार्ड र भिसा कार्ड जारी गर्ने तथा भिसा, रुपे, मास्टर कार्ड तथा डिस्कभर कार्ड स्वीकार गरी कारोबार सेवा प्रदान गर्दै आइरहेको छ ।