केपी ओलीको प्रश्न- एमालेमा जस्तो डेमोक्रेसी अन्यत्र कहीं छ ?

News Summary

Generated by OK AI. Editorially reviewed.

नेकपा एमालेका अध्यक्ष केपी शर्मा ओलीले आफू नेतृत्वको पार्टीमा प्रजातन्त्रको असली अभ्यास हुने दाबी गर्नुभएको छ।
ओलीले पार्टीको केन्द्रीय कमिटीको बैठक तीन घण्टामा सकिने र महाधिवेशन मिति झ्याप्प तोकिने बताउनुभएको छ।
उनले महाधिवेशनमा कुनै रोकतोक नहुँदा जसलाई जुन पदमा उठ्न मन लाग्छ उठ्न पाएको र भोटले निर्णय हुने उल्लेख गर्नुभएको छ।

२ माघ, काठमाडौं । नेकपा एमालेका अध्यक्ष केपी शर्मा ओलीले आफू नेतृत्वको पार्टीमा प्रजातन्त्रको असली अभ्यास हुने गरेको बताएका छन् ।

काठमाडौंमा भएको एउटा कार्यक्रमलाई सम्बोधन गर्दै उनले यस्तो दाबी गरेका हुन् ।

‘हाम्रो जति डेमोक्रेटिक पार्टी … अरुको देख्नुभएन ? केन्द्रीय कमिटीको बैठक डेढ महिना चल्दा हामी तीन घण्टामा केन्द्रीय कमिटीको बैठक सकेर हामी काममा लाग्छौं । अरुलाई महाधिवेशन कहिले गर्ने भनेर मिति तोक्न डेढ महिना लाग्छ, तैपनि तोकिँदैन । हामी त झ्याप्प मिती तोक्छौं, ड्याम्म गर्छौं ।’ एमाले अध्यक्ष ओलीले भने ।

पार्टीको महाधिवेशनमा जसलाई जुन पदमा उठ्न चाहे पनि उम्मेदवार हुन पाएको उनले बताए ।

‘कुनै रोकतोक छैन, जसलाई उठ्न मन लागेको छ उठेको छ । भोट दिए भने जितेको छ, भोट दिएनन भने आइया ! स्वभाविक कुरा हो’ ओलीले भने, ‘हाम्रोमा जस्तो डेमोक्रेसी अन्त कहीँ छ ? डेमोक्रेसीको निर्वाध प्रयोग हाम्रो पार्टीमा छ । यो पार्टीसँग अरु पार्टीको तुलनै हुँदैन ।’