अर्पण थापाले ‘फ्रेन्च किस’ निर्देशन गर्ने, थिन्ले ल्हामोसँग जोडी बाँध्ने

News Summary

Generated by OK AI. Editorially reviewed.

अर्पण थापाको निर्देशनमा फिल्म 'फ्रेन्च किस' बन्ने भएको छ, जसको छायांकन चितवनमा हुनेछ र सन् २०२६ भित्र प्रदर्शनमा आउनेछ।
फिल्ममा अर्पण थापासँगै थिन्ले ल्हामो, गौरी मल्ल र आयशा तामाङ कलाकारको रुपमा देखिनेछन्।
फिल्मको संगीत दीपक बज्राचार्यले दिनेछन् र वसन्तपञ्चमीको अवसरमा कमलादीस्थित गणेश मन्दिरमा शुभसाइत पूजा गरिएको थियो।

काठमाडौं । अर्पण थापाको निर्देशनमा फिल्म ‘फ्रेन्च किस’ बन्ने भएको छ । वसन्तपञ्चमीको अवसरमा शुक्रबार निर्माता कम्पनी एटीएफ प्रोडक्सन प्रालिले फिल्म निर्माण गरेको हो ।

यो फिल्म थापाको पाँचौ निर्देशकीय प्र्रोजेक्ट हुनेछ । यसअघि उनले मुखौटा, आधा लभ, सुनकेशरी र घर निर्माण गरेका छन् । नयाँ फिल्म ‘फ्रेन्च किस’ लाई कमलादीस्थित गणेश मन्दिरमा शुभसाइत पूजा गरियो ।

नेपाली फिल्मको अभिनय र निर्देशनमा भिन्न शैली आत्मसात गर्दै आएका थापाको यो फिल्मको छायांकन चितवनमा हुनेछ । फिल्मको शीर्ष भूमिकामा समेत उनी देखिनेछन् ।

फिल्ममा ‘नाका’ र ‘शाम्बाला’ फेम्ड अभिनेत्री थिन्ले ल्हामो पनि देखिनेछिन् । यो फिल्ममा यी दुईजना कलाकारले जोडी बाँध्ने जनाइएको छ । गौरी मल्ल र आयशा तामाङ पनि कलाकारको रुपमा देखिनेछन् ।

कार्यकारी निर्मातामा सौगात बस्नेत र सह-निर्मातामा सुभाष शाही छन् । सुदीप बरालले खिच्नेछन् । चर्चित पपगायक दीपक बज्राचार्यले संगीत दिनेछन् ।

फिल्मलाई सन् २०२६ भित्र प्रदर्शनमा ल्याउने जनाइएको छ । युवापुस्ताको प्रेमकथामा फिल्म बन्ने जनाइएको छ ।

शीर्षकले नै युवा पुस्ता र प्रेमकथामा आधारित हुनसक्ने अनुमान लगाउन सकिन्छ । अभिनय र निर्देशनमा आफ्नै बेग्लै छाप छाड्न सफल अर्पण थापाको यो नयाँ चलचित्रले केही फरक टेस्ट नेपाली दर्शकलाई दिने अपेक्षा गर्न सकिन्छ ।