बलिउड डेब्यू ‘ब्याटल अफ गलवान’ मा यस्तो देखिए अनुपविक्रम शाही

News Summary

Generated by OK AI. Editorially reviewed.

अभिनेता अनुपविक्रम शाही आफ्नो डेब्यू बलिउड फिल्म ‘ब्याटल अफ गलवान’ को डबिङका लागि चाँडै मुम्बई जाने तयारीमा छन्।
‘ब्याटल अफ गलवान’ फिल्मले सन् २०२० मा भारतीय र चिनियाँ सेना बीचको गलवान उपत्यकाको झडपलाई प्रस्तुत गर्नेछ।
फिल्मको पहिलो गीत ‘मातृभूमि’ युट्युबमा रिलिज भएको छ, जसमा अनुपलाई भारतीय सेनाको भूमिकामा र सलमान खानसँग देखाइएको छ।

काठमाडौं । अभिनेता अनुपविक्रम शाही आफ्नो डेब्यू बलिउड फिल्म ‘ब्याटल अफ गलवान’ लाई लिएर उत्साहित छन् । यो फिल्मको डबिङको लागि उनी चाँडै मुम्बई जाने तयारीमा छन् ।

शनिबार फिल्मको पहिलो गीत ‘मातृभूमि’ युट्युबमा रिलिज भएको छ । जहाँ, संक्षिप्तरुपमा अभिनेता शाहीलाई देख्न सकिन्छ । उनलाई भारतीय सेनाको भूमिकामा देख्न सकिन्छ ।

तीनवटा सटमा अनुपलाई देखाइएको छ । एउटा वाइड दृश्य, दोस्रोमा क्लोजअप र तेस्रोमा सलमान खानसँग उनलाई चित्रण गरिएको छ । सलमानजस्ता विश्वचर्चित बलिउड स्टारसँग अनुपको यो स्क्रिन-सेयर उनको करिअरका लागि महत्वपूर्ण अवश्य हो ।

भारतीय देशभक्तिपूर्ण यो गीतमा सलमान, अनुपसहित अभिनेत्री चित्रांगना सिंह समेत फिचर्ड छिन् । यो फिल्मले सन् २०२० मा भारतीय र चिनियाँ सेना बीचको गलवान उपत्यकाको झडपलाई प्रस्तुत गर्नेछ ।

अपूर्व लाखिया निर्देशित ‘ब्याटल अफ गलवान’ फिल्म १७ अप्रिल २०२६ मा प्रदर्शन तयारीमा छ ।