पशुपति आर्यघाटमा अभिनेता थापाको अन्त्येष्टि (तस्वीर)

News Summary

Generated by OK AI. Editorially reviewed.

अभिनेता सुनिल थापाको पार्थिव शरिरलाई पशुपति आर्यघाटमा आइतबार अपरान्ह अन्त्येष्टि गरिएको छ।
संस्कृति, पर्यटन तथा नागरिक उड्डयनमन्त्री अनिलकुमार सिन्हाले थापाको शवमा राष्ट्रिय झण्डा ओढाएर सम्मान प्रदान गर्नुभएको छ।
थापाको निधन हृदयघातका कारण ६८ वर्षको उमेरमा शनिबार बिहान काठमाडौंमा भएको थियो।

काठमाडौं । अभिनेता सुनिल थापाको पार्थिव शरिरलाई पशुपति आर्यघाटमा आइतबार अपरान्ह अन्त्येष्टि गरिएको छ । उनलाई अन्तिम श्रद्धाञ्जली दिन हजारौं शुभेच्छुक र कलाकार आर्यघाटमा उपस्थित थिए ।

थापाको पार्थिव शरिरमा संस्कृति, पर्यटन तथा नागरिक उड्डयनमन्त्री अनिलकुमार सिन्हाले राष्ट्रिय झण्डा ओढाएर सम्मान प्रदान गरे । चलचित्र कलाकार संघको झण्डा पनि ओढाइएको थियो ।

मन्त्रीदेखि नेपाल प्रहरी प्रमुखसहित नीर शाह, शम्भुजीत बासकोटा लगायतका कलाकार, आफन्त, शुभेच्छुक आर्यघाटमा उपस्थित भएर थापालाई अन्तिम श्रद्धाञ्जली दिएका थिए ।

थापाको शवमा छोराले दागबत्ती दिएका थिए । थापाका श्रीमती, एक छोरा र छोरी छन् । त्यसअघि उनको पार्थिव शरिरलाई चलचित्र विकास बोर्डमा राखिएको थियो जहाँ कलाकारले श्रद्धाञ्जली व्यक्त गरे ।

हृदयघातको कारण शनिबार बिहान अभिनेता थापाको ६८ वर्षको उमेरमा काठमाडौंमा निधन भएको थियो ।

तस्वीरहरू : आर्यन धिमाल/अनलाइनखबर