२०८२ फागुन १७ गते १०:५२ 
News Summary
Generated by OK AI. Editorially reviewed.- इन्टर मिलानले घरेलु मैदानमा जेनोअलाई २-० ले पराजित गर्दै इटालियन सिरी ए मा शीर्ष स्थानमा १३ अंकको अग्रता बनाएको छ।
- फेडेरिको डिमार्कोले ३१औं मिनेटमा र हाकन कालहानोग्लुले ७०औं मिनेटमा पेनाल्टीमार्फत गोल गरेका थिए।
- इन्टरले २७ खेलबाट ६७ अंक जोडेको छ भने एसी मिलान ५४ अंकसहित दोस्रो स्थानमा छ।
१७ फागुन, काठमाडौं । इन्टर मिलानले इटालियन सिरी ए मा जेनोअलाई पराजित गर्दै शीर्ष स्थानमा फराकिलो अग्रता बनाएको छ ।
गएराती घरेलु मैदानमा भएको खेलमा इन्टरले जेनोअलाई २-० ले पराजित गरेको हो ।
इन्टरका लागि फेडेरिको डिमार्कोले ३१औं मिनेटमा गोल गर्दै अग्रता दिलाएका थिए । हाकन कालहानोग्लुले ७०औं मिनेटमा पेनाल्टीमार्फत दोस्रो गोल गरेका थिए ।
जितपछि इन्टरले २७ खेलबाट ६७ अंक जोडेको छ । एक खेल कम खेलेको इन्टरको छिमेकी एसी मिलान ५४ अंकसहित दोस्रो स्थानमा छ ।
जेनोअ २७ खेलबाट २७ अंकसहित १५औं स्थानमा छ ।
प्रतिक्रिया 4