ताप्लेजुङको लोनाक क्षेत्रमा लेक लागेर एक जनाको मृत्यु

News Summary

Generated by OK AI. Editorially reviewed.

समृद्ध पहाड संस्थाका योजना अधिकृत चन्द्रजङ्ग हमाललाई ताप्लेजुङको फक्ताङलुङ गाउँपालिका-६ स्थित लोनाक क्षेत्रमा लेक लागेर मृत्यु भएको छ।
उनको शव परीक्षणसहित कानुनी प्रक्रिया पूरा गर्न एभरेष्ट एयरको हेलिकप्टरमार्फत काठमाडौं लगिएको जिल्ला प्रहरी कार्यालयले जनाएको छ।
प्रहरी निरीक्षक जटाशङ्कर यादवका अनुसार हमाल कञ्चनजङ्घा संरक्षण क्षेत्र आयोजनामा पनि कार्यरत थिए र घटनाबारे थप अनुसन्धान भइरहेको छ।

१५ चैत, ताप्लेजुङ । समृद्ध पहाड संस्थामा कार्यरत योजना अधिकृत चन्द्रजङ्ग हमालको लेक लागेर मृत्यु भएको छ ।

जुम्लाको कनकासुन्दरी गाउँपालिकाका ३३ वर्षीय हमालको ताप्लेजुङको फक्ताङलुङ गाउँपालिका-६ स्थित लोनाक क्षेत्रमा कामको सिलसिलामा गएका बेला लेक लागेर मृत्यु भएको जिल्ला प्रहरी कार्यालयले जनाएको छ ।

जिल्ला प्रहरी कार्यालयका प्रहरी निरीक्षक एवं सूचना अधिकारी जटाशङ्कर यादवका अनुसार हमाल समृद्ध पहाड संस्थामा योजना अधिकृतका साथै कञ्चनजङ्घा संरक्षण क्षेत्र आयोजनामा पनि कार्यरत थिए ।

कामका लागि उच्च हिमाली क्षेत्रमा पुगेका बेला शनिबार बिहान लेक लागेर बिरामी परेका हमालको सोही क्षेत्रमा मृत्यु भएको उनले जानकारी दिए ।
हमालको शव परीक्षणसहित आवश्यक कानुनी प्रक्रिया पूरा गर्न एभरेष्ट एयरको हेलिकप्टरमार्फत काठमाडौं लगिएको प्रहरी निरीक्षक यादवले बताए । उनका अनुसार घटनाबारे थप अनुसन्धान भइरहेको छ ।