अर्थ मन्त्रालयले एकसाथ गर्‍यो ३० उपसचिव सरुवा

News Summary

Generated by OK AI. Editorially reviewed.

अर्थ मन्त्रालयले ३० उपसचिवको भन्सार विभाग, आन्तरिक राजस्व विभाग र मातहतका निकायहरूमा एकसाथ सरुवा गरेको छ।
कतिपय उपसचिवहरूको प्रदेश आर्थिक मामिला तथा योजना मन्त्रालयमा पनि सरुवा भएको मन्त्रालयले जनाएको छ।
अर्थमन्त्री डा. स्वर्णिम वाग्लेले मन्त्रालय सम्हालेपछि पहिलो पटक उपसचिवहरूको सरुवा भएको हो।

१६ चैत, काठमाडौं । अर्थ मन्त्रालयले एकसाथ ३० उपसचिवको सरुवा गरेको छ । अर्थमा कार्यरत उपसचिवहरूको भन्सार विभाग, आन्तरिक राजस्व विभागसहित मातहतका निकायहरूमा सरुवा भएको मन्त्रालयले जनाएको छ ।

यसबाहेक कतिपय उपसचिवहरूको प्रदेश आर्थिक मामिला तथा योजना मन्त्रालयमा सरुवा भएको छ । अर्थमन्त्री डा. स्वर्णिम वाग्लेले मन्त्रालय सम्हालेपछि पहिलो पटक उपसचिवहरुको सरुवा भएको हो ।

यस पटक अर्थ मन्त्रालयले पहिलोचोटि राष्ट्रिय स्वतन्त्र पार्टी (रास्वपा) को नीति अनुसार मेरिटमा आधारित सरुवा तथा पदस्थापन गरेको हो । १५ चैतको मन्त्रीस्तरीय निर्णयबाट सरुवा गरिएको हो ।

मेरिट अनुसार पहिलो हुनेले पहिले पोस्टिङ छान्ने, दोस्रोले बाँकी २९ मध्येको ठाउँ छान्ने विधि अपनाइएको मन्त्रालयले जनाएको छ ।

मेरिटमा तेस्रो हुनेले बाँकी रहेको २८ बाट छान्ने विधि अनुसार यो बढुवापछिको पदस्थापन भएको मन्त्रालयको भनाइ छ । मेरिटको अन्तिममा भएकाले अरूले छाडेको र बाँकी रहेको ठाउँमा जानुपर्ने हुन्छ । रोजेको र आकर्षक भनिएको ठाउँमा पदस्थापन हुन यो विधि अनुसार अब अब्बल हुनुपर्ने भएको छ ।