सातै प्रदेशमा नेपाल बैंकर्स संघले गर्‍यो साइबर सुरक्षाबारे अन्तर्क्रिया

News Summary

Generated by OK AI. Editorially reviewed.

नेपाल बैंकर्स संघले भिजा कार्ड कम्पनीसँगको सहकार्यमा सातै प्रदेशमा साइबर सुरक्षा सम्बन्धी जनचेतना तथा क्षमता अभिवृद्धि कार्यक्रम सम्पन्न गरेको छ।
कार्यक्रमले बैंकिङ क्षेत्रका कर्मचारीलाई साइबर जोखिम, डिजिटल फ्रड र जोखिम न्यूनीकरणका उपायबारे सचेत बनाएको संघले जनाएको छ।
सातै प्रदेशबाट ३०० भन्दा बढी बैंकका कर्मचारी सहभागी भएर वित्तीय प्रणालीलाई सुरक्षित र सुदृढ बनाउन कार्यक्रम केन्द्रित भएको छ।

२० चैत, काठमाडौं । नेपाल बैंकर्स संघले भिजा कार्ड कम्पनीसँगको सहकार्यमा सातै प्रदेशमा साइबर सुरक्षा सम्बन्धी जनचेतना तथा क्षमता अभिवृद्धि कार्यक्रम सम्पन्न गरेको छ । डिजिटल बैंकिङ सेवाको तीव्र विस्तारसँगै वित्तीय क्षेत्रमा साइबर जोखिम, अनलाइन ठगी तथा डिजिटल फ्रडका घटनाहरू बढ्दै गएका बेला जनचेतना कार्यक्रम गरिएको हो ।

पछिल्लो समय वित्तीय प्रणालीमा देखिएका यस्ता चुनौतीलाई मध्यनजर गर्दै बैंकिङ क्षेत्रका कर्मचारीको क्षमता अभिवृद्धि तथा सचेतना विस्तार गर्न कार्यक्रम केन्द्रित रहेको संघले जनाएको छ ।

प्रदेशस्तरीय कार्यक्रमहरूमा साइबर जोखिमको पहिचान, डिजिटल फ्रडका प्रवृत्ति, तथा जोखिम न्यूनीकरणका उपायहरूबारे विस्तृत छलफल भएको संघले जनाएको छ । साथै बैंकिङ प्रणालीमा सुरक्षित अभ्यासहरू अवलम्बन गर्ने र त्यस्ता घटना हुन नदिन अपनाउनु पर्ने सावधानीबारे बैंकका ग्राहकलाई सचेत गराउन कार्यक्रम केन्द्रित रहेको संघले जनाएको छ ।

कार्यक्रममा सातै प्रदेशबाट प्रदेश प्रमुख, शाखा प्रबन्धक लगायत विभिन्न तहका बैंकका कर्मचारी गरी ३०० भन्दा बढीको सहभागिता रहेको थियो । कार्यक्रमले समग्र वित्तीय प्रणालीलाई अझ सुरक्षित र सुदृढ बनाउन योगदान दिने संघको भनाइ छ ।