‘एक्का तीन’ मा पुष्प अनुबन्धित, पूजासँग जोडी पक्का

News Summary

Generated by OK AI. Editorially reviewed.

आगामी जेठ महिनादेखि निर्देशक रुपेश तामाङको फिल्म 'एक्का तीन' को छायांकन सुरु हुने भएको छ।
फिल्म 'एक्का तीन' मा अभिनेत्री पूजा शर्मा र अभिनेता पुष्प खड्काको भूमिका फाइनल भइसकेको छ।
फिल्मलाई एक्सन जनरामा निर्माण गरिनेछ र नयाँ पुरुष तथा महिला कलाकारलाई पनि भित्राउने तयारी छ।

काठमाडौं । आगामी जेठ महिनाबाट फिल्म ‘एक्का तीन’ को छायांकन सुरु हुने भएको छ । निर्देशक रुपेश तामाङले धमाधम कलाकार फाइनल गर्दै अघि बढेको र प्रि-प्रोडक्सनको तयारी अन्तिममा पुगेको बताएका छन् ।

यो फिल्ममा अभिनेत्री पूजा शर्मा फाइनल भइसकेकी छिन् । अब, फिल्ममा अभिनेता पुष्प खड्काको पनि प्रवेश भएको छ । पुष्पसँग कागजी सम्झौता गर्दै निर्माण टिमले लाइनअप बलियो बनाइरहेको छ ।

यो फिल्मलाई एक्सन जनरामा निर्माण गर्ने तयारी रुपेशको छ । फिल्ममा पुष्पको भूमिका के हुन्छ भन्ने खुलाइएको छैन । फिल्मबाट एक-एक जना नयाँ पुरुष र महिला कलाकारलाई भित्राउने तयारी पनि गरिएको छ ।

सुमन गजमेरले यो फिल्मको कथा लेखेका हुन् । फिल्मलाई जुना फिल्मस् र अधिरा फिल्मस्ले निर्माण गर्दैछन् ।

पुष्प र पूजाले फिल्म ‘३६ को आँकडा’मा पनि पर्दा सेयर गरेका छन् । केही म्युजिक भिडियोमा काम गरेका यी दुइलाई दर्शकले ठूलो पर्दामा प्रतिक्षा गरिरहेका छन् ।