निषेधित क्षेत्रमा हुने उद्धार उडानमा हटाइयो प्रक्रियागत झन्झट

News Summary

Generated by OK AI. Editorially reviewed.

सरकारले निषेधित क्षेत्रमा हुने उद्धार उडानमा प्रक्रियागत झन्झट हटाएको छ।
वायुसेवा सञ्चालक संघका अनुसार गृह मन्त्रालयलाई जानकारी गराए पुग्ने गरी सहजीकरण गरिएको छ।
संघले गृहमन्त्री सुधन गुरुङलाई १७ चैतमा पत्र लेखेको थियो र सोही अनुरूप निर्णय भएको छ।

२७ चैत, काठमाडौं । सरकारले निषेधित क्षेत्रमा हुने उद्धार उडानमा विद्यमान प्रक्रियागत झन्झट हटाएको छ ।

वायुसेवा सञ्चालक संघका अनुसार अब निषेधित क्षेत्र हेलिकप्टर उडान सम्बन्धी कार्यप्रक्रिया २०७५ को बुँदा ५ बमोजिम उद्धार कार्य गरी गृह मन्त्रालयलाई जानकारी गराए पुग्ने गरी सहजीकरण गरिएको छ ।

संघले सहजीकरणका लागि मन्त्रालयलाई धन्यवाद भनेको छ । संघका अनुसार निषेधित क्षेत्रमा हेलिकप्टरबाट उडान गर्दा पूरा गर्नुपर्ने लामो कागजी प्रक्रियाका कारण कतिपय स्वदेशी नागरिक र बिरामी पर्यटकको समयमा उद्धार हुन सकेको थिएन ।

यसबारे जानकारी गराउँदै संघले गृहमन्त्री सुधन गुरुङलाई १७ चैतमा पत्र लेखेको थियो । सोही पत्रको सम्बोधन हुने गरी निर्णय भएको संघले जनाएको छ ।