२०८३ वैशाख २८ गते १२:२५ 
News Summary
Generated by OK AI. Editorially reviewed.- अस्ट्रेलियाको क्रिकेट टोली पाकिस्तान र बंगलादेशविरुद्धको एकदिवसीय शृंखलाका लागि घोषणा गरिएको छ।
- नयाँ खेलाडी ओलिभर पिक र लियाम स्कटलाई पहिलो पटक राष्ट्रिय टोलीमा समावेश गरिएको छ।
- कप्तान मिचेल मार्शले नियमित कप्तानहरूको अनुपस्थितिमा टोलीको नेतृत्व गर्नेछन्।
२८ वैशाख, काठमाडौं । पाकिस्तान र बंगलादेशविरुद्ध हुने एकदिवसीय अन्तर्राष्ट्रिय शृंखलाका लागि अस्ट्रेलियाको टोली भएको छ ।
यू-१९ टोलीका कप्तान ओलिभर पिक पहिलोपटक टोलीमा समावेश भएका छन् । उनी घरेलु क्रिकेटमा सीमित अनुभव भए पनि प्रतिभाका आधारमा राष्ट्रिय टोलीमा बोलाइएका हुन् ।
नियमित कप्तान प्याट कमिन्स, जोश हेजलउड र मिचेल स्टार्कलाई यस भ्रमणमा विश्राम दिइएको छ । भारतमा भइरहेको इन्डियन प्रिमियर लिगका कारण उनीहरू पाकिस्तान भ्रमणमा उपलब्ध हुने छैनन् भने त्यसपछि बंगलादेश भ्रमणअघि आराम दिइने भएको छ । उनीहरूको अनुपस्थितिमा मिचेल मार्शले एकदिवसीय टोलीको कप्तानी गर्नेछन् ।
घरेलु क्रिकेटमा लगातार राम्रो प्रदर्शन गरेका अलराउन्डर लियाम स्कटले पनि पहिलो पटक राष्ट्रिय टोलीमा अवसर पाएका छन् ।
पाकिस्तानविरुद्धको तीन खेलको एकदिवसीय शृंखला मे ३१ देखि जुन ४ सम्म हुनेछ भने त्यसपछि जुन ९ देखि बंगलादेशसँग अर्को एकदिवसीय शृंखला खेलिनेछ ।
अस्ट्रेलियाले केही प्रमुख खेलाडीलाई विश्राम दिँदै नयाँ खेलाडीलाई अवसर दिएको छ, जसलाई आगामी ठूला प्रतियोगिताको तयारीका रूपमा हेरिएको छ ।
पाकिस्तानविरुद्ध अस्ट्रेलियाको ओडीआई टोली : मिचेल मार्श (कप्तान), एलेक्स केरी, नाथन एलिस, क्यामरन ग्रीन, जोश इङ्ग्लिस, म्याथ्यु कुनेमन, मार्नस लाबुसेन, राइली मेरिडिथ, ओली पीक, म्याथ्यु रेन्सो, तनवीर संघा, लियाम स्कट, म्याथ्यु सर्ट, बिली स्टानलेक, एडम जाम्पा।
बंगलादेशविरुद्ध अस्ट्रेलियाको ओडीआई टोली : मिचेल मार्श (कप्तान), जेभियर बार्टलेट, एलेक्स केरी, कुपर कोनोली, बेन ड्वारशुइस, नाथन एलिस, क्यामरन ग्रीन, ट्राभिस हेड, जोश इङ्ग्लिस, म्याथ्यु कुनेमन, मार्नस लाबुसेन, म्याथ्यु रेन्सो, तनवीर संघा, लियाम स्कट, एडम जाम्पा।
प्रतिक्रिया 4